आफ्नै पार्टीबाट चुनावमा भाग लिने हृदयेशको तयारी



 

 

 

२०७४ सालको निर्वाचनमा नेकपा एमालेको सूर्य चिन्हबाट प्रतिस्पर्धा गरी सांसद तथा मन्त्री बनेका मधेसवादी नेता हृदयेश त्रिपाठी यसपटक भने आफ्नै पार्टीको चुनाव चिन्हबाट निर्वाचनमा भाग लिने भएका छन् । त्रिपाठीले आफ्नै नेतृत्वमा जनता प्रगतिशील पार्टी दर्ता गरेका छन् । सो पार्टीले कोदाली बोकेको किसान चुनाव चिन्हबाट स्थानीय तह निर्वाचनमा भाग लिइसकेको छ ।

त्रिपाठीको पार्टीले रुपन्देहीको मर्चवार गाउँपालिकामा अध्यक्ष र उपाध्यक्ष जितेको छ । रुपन्देही र उनकै निर्वाचन क्षेत्र पश्चिम नवलपरासीमा केही वडाध्यक्षसमेत जितेको छ । मंसिर ४ मा घोषित प्रतिनिधिसभा र प्रदेशसभा निर्वाचनमा सूर्य चिन्हबाट नभई आफ्नै पार्टीको चिन्हबाट भाग लिने अध्यक्ष त्रिपाठीले नेपाल प्रेसलाई बताए । यद्यपि चुनावमा एमालेसँग तालमेल भने हुनसक्ने उनको भनाइ छ ।

त्रिपाठीले भने, ‘अघिल्लो चुनावमा हामीसँग राजनीतिक दल थिएन । राजपाबाट अलग भएर बसेका वेला चुनाव भयो । हामी त्यस वेला एमालेसँग मिलेर एमालेकै चिन्हबाट चुनाव लड्यौं । तर, अहिले त हाम्रो आफ्नै पार्टी र चिन्ह छ । त्यसैले सूर्य चिन्हबाट लड्ने कुरा आउँदैन । तर, एमालेसँग तालमेल हुनसक्छ ।’ त्रिपाठी र कपिलवस्तुका बृजेश गुप्ता एमालेबाट चुनाव लडेर प्रतिनिधिसभा सदस्य भएका थिए भने लुम्बिनीको प्रदेशसभामा पनि दुई जना सदस्य जिताएका थिए । अहिले गुप्ता एमालेमा प्रवेश गरिसकेका छन् ।

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश