प्रदर्शनकारीले इराकको संसद भवन कब्जा गरे



 

 

इराकमा प्रदर्शनकारीहरूले संसद भवनमा कब्जा गरेका छन् । धर्मगुरु मुक्तदा अल-सदरका समर्थकहरूले प्रधानमन्त्रीका विपक्षी उम्मेदवारको विरोधमा सांसद भवन कब्जा गरेको बीबीसीले जनाएको छ ।

उच्च सुरक्षा क्षेत्र तोडेर संसद भवन छिरेका प्रदर्शनकारीहरू भित्रै नाचगान गरेको भिडिओसमेत सार्वजनिक भएको छ । प्रदर्शनकारीहरूले कब्जा गरेको क्षेत्रमा विभिन्न देशका दूतावासलगायतका महत्वपूर्ण भवनहरू रहेको जनाइएको छ ।

 

 

इराकमा गत अक्टोबरमा भएको आम निर्वाचनमा सदरको पार्टीले सबैभन्दा धेरै सिट जितेको थियो । यद्यपि विभिन्न राजनीतिक समूहबीचको विवादका कारण निर्वाचनपछि नयाँ सरकार गठन हुन सकेको छैन । अक्टोबरको निर्वाचनमा जित दाबी गरेको शिया धर्मगुरु सदरको दलले प्रतिद्वन्द्वीसँग सहकार्य गर्न नचाहेको कारण हालसम्म पनि इराकमा सरकार गठन हुन सकेको छैन ।

 

अल-सदरका समर्थकहरू नै हाल उनीविरुद्ध प्रधानमन्त्री पदमा उम्मेदवारी दिएका मोहम्मद अल सुदानीको विरोधमा उत्रिएका हुन् । प्रदर्शनकारीहरूले सांसद भवन कब्जा गरेसँगै इराकका प्रधानमन्त्री मुस्तफा अल-खादिमीले प्रदर्शनकारीहरूलाई संसद भवन छाड्न आग्रह गरेका छन् । सदरका समर्थकहरू सन् २०१६ मा पनि संसद भवन प्रवेश गरेका थिए ।

 

प्रतिक्रिया दिनुहोस
नागरिकता विधेयक बिरुद्ध नेमकिपा सडकमा

    नागरिकता विधेयक देशघाती भएकाले खारेज गर्नुपर्ने भन्दै नेपाल मजदुर किसान पार्टीलेले

नागरिकता विधेयक जस्ताको तस्तै पारित नर्गन प्रदीप ज्ञवालीको चेतावनी

    नेकपा एमालेले राष्ट्रपतिबाट फिर्ता गरिएको नागरिकता विधेयक टाउका गनेर पारित गरिएको

जसपाका बरिष्ठ नेता राईसहित डेढ सय एमालेमा प्रवेश (सूचीसहित)

    जनता समाजवादी पार्टी, नेपालका केन्द्रीय कार्यकारिणी समिति सदस्य हेमराज राई र

महान जनयुद्ध भनेर १७ हजार मान्छे मारेको ओलीको आरोप

      नेकपा एमालेका अध्यक्ष केपी शर्मा ओलीले जनयुद्धमा मारिएका सहिदको सट्टा