चौतर्फी दबाबपछि अर्थमन्त्री राजीनामा दिन तयार



 

 

बजेट निर्माणमा भएको अनियमितता प्रकरणलाई यत्तिकै सामसुम पार्ने प्रयास असफल भएपछि अर्थमन्त्री जनार्दन शर्मामाथि राजीनामाको चर्को दबाब परेको छ । उनले आफूमाथि उठेका प्रश्नहरुको आज संसदमा जवाफ दिने तयारी गरेका छन् ।

आजै बिहान माओवादीका शीर्ष नेता सम्मिलित बैठक अर्थमन्त्रीकै विषयमा केन्द्रित थियो । उक्त बैठकमा अर्थमन्त्रीले राजीनामा गर्ने संकेत गरेनन् । बैठकमा कुनै गल्ती नै नगरेकाले अर्थमन्त्रीले राजीनामा दिइरहनुनपर्ने निष्कर्ष निकालिएको एक नेताले बताए । प्रतिपक्षी एमालेसँग छलफल गरेर संसदीय छानबिन समितिसम्म निर्माण गर्ने आफूहरूको बटमलाइन रहेको प्रचण्डले बताएका थिए ।

तर, छानबिन समिति बनाएर मात्रै अर्थमन्त्री जोगिनेवाला छैनन् । यस्तो समितिलाई काम गर्ने वातावरण बनाउनका लागि पहिलो सर्त भनेकै अर्थमन्त्रीलाई पदबाट निलम्बन हो । शर्मालाई अर्थमन्त्रीको कुर्सीमै राखेर छानबिनका लागि प्रतिपक्षी दल एमाले तयार हुने देखिँदैन ।

अर्कोतर्फ अर्थसचिव मधुकुमार मरासिनीले बिदामा बसेर अर्थमन्त्रीमाथि अर्को दबाब थपेका छन् । यसले अर्थमन्त्रीका क्रियाकलापसँग अर्थसचिव नै असन्तुष्ट रहेको सन्देश गएको छ । अर्थसचिवले व्यक्तिगत समस्या देखाएर बिदा लिएको भए पनि ‘स्याल कराउने र कुखुरा हराउने’ जस्तो संयोग मात्र यो होइन ।

बालुवाटारको दबाब

चर्को जनदबाब बढेपछि प्रधानमन्त्री शेरबहादुर देउवाले अर्थमन्त्री जनार्दन शर्मालाई राजीनामा दिन सुझाव दिएका छन् । बालुवाटारनिकट स्रोतका अनुसार प्रधानमन्त्री देउवाले अर्थमन्त्री शर्मालाई राजीनामा दिएर वातावरणलाई सहज बनाउन सुझाव दिएका हुन् ।

प्रमुख प्रतिपक्षी दल, आफ्नै पार्टीका शीर्ष नेताहरू र नागरिक समाजबाट चर्को दबाब बढ्दै गएपछि निकासको बिकल्प अर्थमन्त्रीको बहिर्गमन नै रहेको देउवाको निष्कर्ष रहेको स्रोतले बतायो । यसैबीच अर्थमन्त्री शर्माले राजीनामा दिने सम्भावना रहेको पनि स्रोतले बताएको छ । ‘आज प्रतिनिधिसभामा सम्बोधन गरेर छानबिनका लागि मार्गप्रशस्त गर्दै राजीनामाको घोषणा गर्नसक्ने सम्भावना पनि छ,’ स्रोतले भन्यो ।

अहिले बिहान ११ बजे बस्ने भनिएको प्रतिनिधिसभा बैठकमा अर्थमन्त्री शर्माले सम्बोधन गर्ने तयारी गरेका थिए । अर्थमन्त्री संसद भवनभित्र प्रवेश पनि गरिसकेका थिए । तर, बैठक २ बजेसम्मका लागि स्थगित भएको छ ।

प्रतिक्रिया दिनुहोस
शेखर-गगन समूहको छुट्टै चियापान कार्यक्रम (तस्बिरहरू)

    सत्तारुढ प्रमुख घटक नेपाली कांग्रेसको शेखर कोइराला समूहले छुट्टै चियापान कार्यक्रमको

आम निर्वाचनमा देशभर १० हजार ८९१ मतदानस्थल

    आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि

अमेरिकी डलरको भाउ हालसम्मकै उच्च

    अमेरिकी डलरको तुलनामा नेपाली मुद्रा (नेरु) हालसम्मकै कमजोर बनेको छ । अमेरिकी

राप्रपा प्रवेश गर्दै रवीन्द्र मिश्र

    विवेकशील साझा पार्टी परित्याग गरेका रवीन्द्र मिश्र भोलि बुधवार राप्रपा प्रवेश