पार्टी कब्जा गर्ने दाउमा बाबुराम, उपेन्द्र अल्पमतमा



 

 

जनता समाजवादी पार्टी (जसपा) भित्रको विवाद फेरि ब्युँतिएको छ । सरकारमा रहेका मन्त्रीहरु हेरफेर गर्ने एकीकृत समाजवादी पार्टीको निर्णयपछि जसपा विभाजनको डीलमा पुगेको छ ।

अहिले अध्यक्ष बाबुराम भट्टराई र उपेन्द्र यादव पक्ष भएर संसदीय दल पनि विभाजि भएको छ । स्रोतका अनुसार, जसपाका १९ जना सांसदमध्ये १२ जना बाबुरामको पक्षमा खुलेका छन्  उपेन्द्र यादवको पक्षमा ७ जनामात्रै देखिएपछि कार्यकारिणी समितिमा पनि बाबुराम पक्ष बहुमतमा रहेको दाबी गरिएको छ । जसपाका नेता अशोक राई पनि बाबुराम पक्षमा लागेपछि उनी बलियो भएको जसपा स्रोतको दाबी रहेकाे छ ।

त्यसो त, गठबन्धन सरकारमा मन्त्री पठाउने बेलामा ६ महिना कार्यकाल तोकेर जसपापले अहिलेका मन्त्रीहरुलाई पठाएको थियो । पछि बाँकी ६ महिनाका लागि पुनः अन्य सांसदलाई पठाउने भनेर प्रतिस्पर्धालाई थामथुम पारिएको थियो । अहिले, उनीहरु जसरी पनि मन्त्री बन्ने दौडमा लागेका छन् । उक्त दौडमा रहेका व्यवक्तिलाई साथ दिएर बाबुराम भट्टराईले थप मलजल गरिरहेको जसपा स्रोतको भनाइ छ ।

स्रोतका अनुसार, बाबुराम भट्टराईले अहिले जसपाभित्र समस्या बनाई सकेसम्म पार्टी जसपा कब्जा गर्ने रणनीतिमा लागेका छन् । कार्यकारिणी सदस्यमा बहुमत पुर्याएर कब्जा गर्ने रणनीति लिएका भट्टराईलाई जसपाभित्रका पूर्वराजपा समूहका नेताहरुले साथ दिएका छन् । मन्त्री बन्न चाहेका नेताहरु मोहम्मद इस्तियाक राई, प्रदीप यादव पनि अहिले बाबुराम क्याम्पमा लागेका छन् । उनीहरु पहिला उपेन्द्र यादवका विश्वास पात्र थिए । मन्त्री बन्न नपाएकै कारण उनीहरुले कित्ता परिवर्तन गरेका हुन् । पूर्वराजपाका नेताहरु महेन्द्र राय यादव, मृगेन्द्र सिंह, अमृता अग्रहरीलगायतका सांसद पनि बाबुराम भट्टराईको साथमा लागेका छन् ।

त्यसले गर्दाखेरी जसपा अहिले विवादको उत्कर्षमा पुगेको स्राेतकाे दावी छ । जसपा विभाजनको डिलमा पुगेका कारण गठबन्धन सरकार नै धरमरमा पुगेको छ । बाबुराम भट्टराई जसपा कब्जा गरेर महन्थ ठाकुरसँग एकता गर्ने रणनीतिमा लागेका छन् । बाबुराम भट्टराई निकटका अनुसार ठाकुरसँग एकता गरेपछि आउने निर्वाचनमा कांग्रेससँग तालमेल गर्ने रणनीति बनाएका छन् । त्यही कारण अहिले बाबुरामले यो गठबन्धनको विकल्प खोज्नुपर्ने बताइरहेका छन् ।

 

विचार मिल्नेहरु एकातिर हुनुपर्ने धारणा राखिएका बाबुरामको पुरानै लाइन भएपनि अहिले बीचको केही समय भने बाबुराम उपेन्द्र यादवसँग खासै रुष्ट थिएनन् । बाबुरामनिकट नवराज सुवेदीलाई राष्ट्रियसभा सदस्य नबनाएको भनेर बाबुरामले पहिलो विवाद निकालेका थिए । त्यही कारण पार्टी झन्डै विभाजनमा पुगेको थियो । पछि सुवेदीलाई राजदूत बनाएपछि विवाद मत्थर भएको थियो । अहिले पनि आफ्ना मान्छेलाई मन्त्री बनाउने र चुनावको मुखसम्ममा जारी पनि यादवको साथ छोड्ने लाइनमा बाबुराम रहेको भन्दै जसपाभित्र चर्चा हुन थालेको  छ ।

प्रतिक्रिया दिनुहोस
यसरी हुन सक्छन् एमाले–माओवादीको केन्द्रदेखि प्रदेशसम्म सरकार

    नेकपा माओवादी केन्द्रले सरकार गठनबारे सबै विकल्प खुला राख्ने निर्णय लिएपछि

यी हुन् एमालेबाट चुनिनसक्ने समानुपातिकका सांसदहरू

    ४ मंसिरमा सम्पन्न प्रतिनिधि सभा र प्रदेश सभा निर्वाचनको मतपरिणाम अन्तिम

बागबजार क्षेत्रका व्यवसायी पार्किङ माग गर्दै आन्दोलनमा

  सडक किनारमा पार्किङ गर्न नदिएको विरोधमा बागबजार क्षेत्रका व्यवसायी आन्दोलनमा उत्रिएका छन्

त्रिभुवन अन्तर्राष्ट्रिय विमानस्थल आज दिनभर प्रभावित

    त्रिभुवन अन्तर्राष्ट्रिय विमानस्थलमा आज (बिहीबार) क्यालिब्रेसन (यान्त्रिक परीक्षण) उडान हुँदैछ। थाइल्याण्डको