अमेरिकी सेनाका प्यासिफिक कमान्डर काठमाडौंमा



 

 

अमेरिकी सेनाको प्रशान्त क्षेत्रीय कमाण्डका जनरल चार्ल्स ए फ्लायन नेपाल आएका छन् । केही बेरअघि उनी काठमाडौंस्थित त्रिभुवन अन्तर्राष्ट्रिय विमानस्थलमा उत्रिएका हुन् ।

उनलाई नेपाली सेनाका लेफ्टिनेन्ट जनरल बालकृष्ण कार्कीले विमानस्थलमा स्वागत गरे । प्रधानमन्त्री शेरबहादुर देउवा र प्रधान सेनापति प्रभुराम शर्माको अमेरिका भ्रमणको तयारी भइरहेका बेला अमेरिकी सेनाको प्रशान्त क्षेत्रीय कमाण्डका जनरल चार्ल्स ए फ्लायन नेपाल आएका हुन् ।

नेपाली सेनाले शुक्रबार फ्लायनलाई गार्ड अफ अनर दिने सैनिक प्रवक्ता नारायण सिलवालले जानकारी दिए । फ्लायनका लागि शुक्रबार रात्रिभोजको आयोजना गरिनेछ । शनिबार माउन्टेन फ्लाइटमार्फत उनले सगरमाथाको अवलोकन गर्ने छन् ।

आइतबार पाँचखालस्थित वीरेन्द्र सैनिक शान्ति कार्य तालिम केन्द्र शिवपुरीस्थित कमान्ड एन्ड स्टाफ तालिम केन्द्रको अवलोकन गरी उनी सोही दिन उनी स्वदेश फर्कनेछन् । फ्लायन सैनिक विमानमै आउने तालिका रहेपनि प्रतिकूल मौसमका कारण सिभिल विमानमा नेपाल आएको बताइएको छ ।

एमसीसी सम्झौता संसदबाट अनुमोदन भएसँगै अमेरिकी उच्च अधिकारीहरूको नेपाल आगमन बाक्लिरहेको छ । यसअघि अमेरिकी उपविदेश मन्त्री नेपाल भ्रमण गरेर फर्किएकी थिइन् ।

प्रतिक्रिया दिनुहोस
गाउँ-गाउँमा नवनिर्वाचित सांसद : मतदातालाई धन्यवाद दिँदै खुसी साट्दै

    प्युठानमा नवनिर्वाचित जनप्रतिनिधिहरु मतदातालाई धन्यवाद दिन घरदैलोमा पुग्न थालेका छन्। यही

चुनाव हारेका देउवाका मन्त्रीहरु अझै सिंहदरवारतिर घाम ताप्दै

    सरकारमा रहेका ६ मन्त्री प्रतिनिधिसभामा पराजित भएका छन् तर राजीनामा दिएका

समानुपातितर्फ एमालेले २५ लाख मत कटायो, माओवादी चौथो नम्बरमा (सूचीसहित)

    प्रत्यक्षतर्फको मतगणना करिब सकिन लाग्दा समानुपातितर्फको गणना जारी छ । आइतबार

दोलखाका १० मतदान केन्द्रमा १५ गते पुन: निर्वाचन गर्ने निर्णय

  दोलखा जिल्लाका १० वटा मतदान केन्द्रमा पुनः मतदानको मिति तोकिएको छ ।