एमालेमा विलय हुने विप्लवको तयारी



 

 

महासचिव नेत्रविक्रम चन्द नेतृत्वका केन्द्रीय सदस्यहरू स्थानीय निर्वाचनमा मैदानमा उत्रिएपछि धर्मेन्द्र बास्तोलाको नेतृत्वमा नेकपा विभाजन भएको छ। बास्तोला संयोजक रहेको नयाँ पार्टीको नाम नेकपा (बहुमत) कायम गरिएको छ। योसँगै महासचिव विप्लवले कुन दलतिर झुकाव राख्लान् वा विलय गर्लान् भन्ने परिचर्चा सुरु भएको छ।

नेकपा माओवादी केन्द्रका नेता बर्षमान पुनले विप्लवलाई पार्टीमा स्वागत गर्न चाहेको बताइसकेका छन्। उनले माओवादी केन्द्रमा समाहित हुनका लागि आह्वान पनि गरेका छन्। तर नेकपा एमालेसँग पनि विप्लवको संवाद घनिभूत मात्र भएको छैन, उनका केन्द्रीय सदस्य स्थानीय निर्वाचनमा सूर्य चुनाव चिन्हमा सहभागी भएका छन्।

एक उच्च तहका नेता भन्छन्,‘विप्लवलाई एमालेमा स्वागत गर्नका लागि तिक्तता त्यागेर भए पनि उपाध्यक्ष रामबहादुर थापा बादललगायतको टोली सक्रिय भएको छ।’ उता माओवादीमा भने कृष्णबहादुर महरालगायतका नेता पनि उनलाई भित्राउनका निम्ति सक्रिय रहेका थिए। तर माओवादीमा विप्लवका प्रवेश भएको खण्डमा महासचिवका लागि थाँती रहेको पद गुम्ने डरले जनार्दन शर्मालगायतका नेता भने खुसीचाहिँ छैनन्।

कतिपयले भने माओवादी भन्दा पनि एमालेको अहिलेको राजनीतिक शक्तिको आड, अध्यक्ष केपी शर्मा ओली नेतृत्वको सरकारसँग भएको वार्तामार्फत शान्तिपूर्ण राजनीतिमा आएका कारण विप्लवको बढी झुकाव एमालेतिर हुने आँकलन गर्दै आएका छन्। पार्टी विभाजनका विषयमा विप्लवले हालसम्म कुनै पनि प्रतिक्रिया दिएका छैनन्। जबकि, उनले विभाजनमा लागेका बास्तोला र हेमन्तप्रकाश ओलीलाई निलम्बन गरेका थिए।

प्रतिक्रिया दिनुहोस
यसरी हुन सक्छन् एमाले–माओवादीको केन्द्रदेखि प्रदेशसम्म सरकार

    नेकपा माओवादी केन्द्रले सरकार गठनबारे सबै विकल्प खुला राख्ने निर्णय लिएपछि

यी हुन् एमालेबाट चुनिनसक्ने समानुपातिकका सांसदहरू

    ४ मंसिरमा सम्पन्न प्रतिनिधि सभा र प्रदेश सभा निर्वाचनको मतपरिणाम अन्तिम

बागबजार क्षेत्रका व्यवसायी पार्किङ माग गर्दै आन्दोलनमा

  सडक किनारमा पार्किङ गर्न नदिएको विरोधमा बागबजार क्षेत्रका व्यवसायी आन्दोलनमा उत्रिएका छन्

त्रिभुवन अन्तर्राष्ट्रिय विमानस्थल आज दिनभर प्रभावित

    त्रिभुवन अन्तर्राष्ट्रिय विमानस्थलमा आज (बिहीबार) क्यालिब्रेसन (यान्त्रिक परीक्षण) उडान हुँदैछ। थाइल्याण्डको