सूचना चुहाएको भन्दै नेपाल एयरलाइन्सका अध्यक्षले दुर्व्यवहार गर्दा कर्मचारी बेहोस



 

 

नेपाल एयरलाइन्सका कार्यकारी अध्यक्ष युवराज अधिकारीले एक कर्मचारीमाथि दुर्व्यवहार गर्दा उनी कार्यकक्षमै बेहोस भएका छन्। बेहोस कर्मचारीलाई काठमाडौं मोडल अस्पतालको आकस्मिक कक्षमा लगिएको छ।

संस्कृति पर्यटन तथा नागरिक उड्डयनमन्त्री प्रेमबहादुर आलेले स्पष्टीकरण सोधेको सूचना चुहाएको भन्दै निगमका कार्यरत वरिष्ठ सहायक देवराज ओझालाई कार्यकक्षमा बोलाएर दुर्व्यवहार गर्दा कर्मचारी बेहोस भएका थिए।

आफूलाई स्पष्टीकरण सोधेको सूचना चुहाएको भन्दै नेपाल एयरलाइन्सका अध्यक्ष अधिकारीले यसअघि ओझालाई कार्यकक्षमा थुनेका थिए। उनलाई थुनेको सूचना सञ्चार माध्यममा दिएको भन्दै पुन: कार्यकक्षमा बोलाइ धम्की दिएका हुन्।

 

devraj ojha.jpg
अस्पतालको आकस्मिक कक्षमा कर्मचारी ओझा।

 

त्यही विषयमा कार्यकारी अध्यक्ष अधिकारीले समाचार लेखाएको भन्दै जागिर खाइदिने भन्दै धम्की दिएपछि ओझा बेहोस भएका थिए। उनी यात्रु सेवा विभागमा कार्यरत छन्।  यसअघि पनि अधिकारीले नेपाल एयरलाइन्समा ओझालाई आफ्नो कार्यकक्षमा छलफल छ भनेर बोलाइ अभद्र व्यवहार गरेका थिए।

कर्मचारीहरूका अनुसार अधिकारीले ‌ओझालाई आफ्नो कार्यकक्षमा बोलाएर मोबाइल कब्जा गरी कोठा बन्द गरेर अपशब्द प्रयोग गरी धम्की दिएका थिए। जागिर खाइदिने तथा भविष्यमा कतै काम नलाग्ने बनाइदिने भन्दै उनले धम्की दिएका थिए।

जसको नेपाल वायुसेवा कर्मचारी संघले आपत्ति जनाउँदै विरोधसमेत गरेको थियो। संघले ओझालाई गरिएको अभद्र व्यवहारप्रति अधिकारीले माफी माग्नुपर्ने तथा सोधिएको स्पष्टीकरण फिर्ता लिनुपर्ने माग गरेको छ।

प्रतिक्रिया दिनुहोस
गाउँ-गाउँमा नवनिर्वाचित सांसद : मतदातालाई धन्यवाद दिँदै खुसी साट्दै

    प्युठानमा नवनिर्वाचित जनप्रतिनिधिहरु मतदातालाई धन्यवाद दिन घरदैलोमा पुग्न थालेका छन्। यही

चुनाव हारेका देउवाका मन्त्रीहरु अझै सिंहदरवारतिर घाम ताप्दै

    सरकारमा रहेका ६ मन्त्री प्रतिनिधिसभामा पराजित भएका छन् तर राजीनामा दिएका

समानुपातितर्फ एमालेले २५ लाख मत कटायो, माओवादी चौथो नम्बरमा (सूचीसहित)

    प्रत्यक्षतर्फको मतगणना करिब सकिन लाग्दा समानुपातितर्फको गणना जारी छ । आइतबार

दोलखाका १० मतदान केन्द्रमा १५ गते पुन: निर्वाचन गर्ने निर्णय

  दोलखा जिल्लाका १० वटा मतदान केन्द्रमा पुनः मतदानको मिति तोकिएको छ ।