आईजीपी नियुक्तिले गठबन्धनमा खटपट, मन्त्रिपरिषद् बैठक नै बस्न सकेन



 

 

नेपाल प्रहरीमा जुनियरलाई महानिरीक्षक (आईजीपी) बनाउन खोजिएपछि उत्पन्न विवादका कारण मन्त्रिपरिषद्को बैठक बस्न सकेको छैन । बिहान ११ बजेका लागि तय भएको बैठक बस्न ढिला भएको छ । आजको मन्त्रिपरिषद् बैठकको मुख्य एजेण्डा सशस्त्र र नेपाल प्रहरीमा एआईजी नियुक्ति मुख्य एजेण्डा थियो । प्रधानमन्त्री शेरबहादुर देउवा १६ महिना जुनियर एआईजी धिरजप्रताप सिंहलाई आईजीपी बनाउने तयारीमा लागेपछि गठबन्धनकै अन्य दलहरूले विरोध जनाएको स्रोतले बताएको छ ।

स्रोतका अनुसार स्थानीय चुनावको मुखमा जुनियरलाई आईजीपी बनाउँदा त्यसले चुनावी सुरक्षा प्रणालीमै प्रभाव पार्न सक्ने भन्दै माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एसका अध्यक्ष माधवकुमार नेपाललगायतले वरीयता र ज्येष्ठता नमिच्न आग्रह गरेका छन् । प्रधानमन्त्री देउवा अहिले परामर्शमा छन् । गृहमन्त्री बालकृष्ण खाण पनि ज्येष्ठता र वरिष्ठता मिच्न नहुने पक्षमा छन् ।

नेपाल प्रहरीका बहालवाला आईजीपी शैलेश थापाले ३० वर्षे सेवा अवधिका कारण आइतबार राति १२ बजेदेखि अवकाश पाउँदैछन् । त्यसपछि उक्त पद रिक्त रहने भएकाले सरकारले आज विश्वराज पोखरेल, धिरजप्रताप सिंह, सहकुल थापा र रविन्द्रबहादुर धानुकमध्ये एकजनलाई आईजीपीमा बढुवा गर्दैछ । पोखरेल २०७७ मंसिर र थापा २०७८ असारमा एआईजीमा बढुवा भएका हुन् भने धानुक र सिंह गत महिना मात्र एआईजी भएका थिए । सरकारले तीनवटा एआईजी दरबन्दी थप्दै त्यसमा धानुक र सिंहलाई बढुवा गरेको थियो ।

प्रहरी नियमावलीको दफा ४१ मा ‘प्रहरी महानिरीक्षकमा बढुवा गर्दा प्रहरी अतिरिक्त महानिरिक्षकमध्येबाट र प्रहरी अतिरिक्त महानिरिक्षकहरू नभएको अवस्थामा प्रहरी नायब महानिरीक्षकहरुमध्येबाट ज्येष्ठता, कार्यकुशलता, कार्यक्षमता, उत्तरदायित्व बहन गर्न सक्ने क्षमता, नेतृत्व प्रदान गर्न सक्ने कुशलता तथा आफूभन्दा मुनिको प्रहरीलाई प्रोत्साहन र परिचालन गर्न सक्ने सामर्थ्यको आधारमा नेपाल सरकारले उपयुक्त देखेको उम्मेदवारलाई प्रहरी महानिरीक्षकमा बढुवा गर्नेछ ।’ भन्ने उल्लेख छ ।

प्रतिक्रिया दिनुहोस
थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम

कांग्रेसको सरकार बने मुख्यमन्त्री म हुन्छु : इन्द्र बानियाँ

  नेपाली कांग्रेसका नवनिर्वाचित प्रदेशसभा सदस्य इन्द्रबहादुर बानियाँले वागमती प्रदेशमा नेपाली कांग्रेसको सरकार