सिर्जना सिंहविरुद्ध सुरज बैद्य उठाउने एमालेको तयारी



 

 

स्थानीय तहको निर्वाचन नजिकिएसँगै दलहरु उम्मेद्धवार चयनको तयारीमा जुटेका छन् । सत्ता गठबन्धनले ६ महानगर र ११ उपमहानगरको भागबण्डा टुँगो लगाउँदैछ । उता, प्रमुख प्रतिपक्षी दल नेकपा (एमाले) ले पनि धमाधम उम्मेद्धवारको नाम सिफारिश गरिरहेको छ ।

सबैभन्दा चासोको रुपमा हेरिएको काठमाडौं महानगरपालिकाको मेयरमा कसले बाजाी मार्ला भनेर हेरिएको छ । सत्ता गठबन्धनले काठमाडौं महानगरको नेतृत्व कांग्रेसलाई दिने निर्णय गरिसकेको छ । कांग्रेसबाट यसपटक सिर्जना सिंह मेयरमा उठ्ने लगभग पक्का भैसकेको छ ।

आजै गठबन्धनले काठमाडौंमा मेयरमा सिंहलाई मेयरमा साझा उम्मेद्धवारको रुपमा अघि बढाउने निर्णय गर्दैछ । एमालेले भने अहिलेका मेयर विद्यासुन्दर शाक्य, केशब स्थापित, रामवीर मानन्धरमध्ये एकलाई मेयर उठाउने तयारी गरेको छ ।

एमाले अध्यक्ष केपी शर्मा ओलीले भने अहिले चर्चामा रहेका नामभन्दापनि बाहिरको व्यक्तिलाई अघि बढाउने संकेत गरेका छन् । गठबन्धनका साझा उम्मेद्धवार सिंहको विरुद्धमा एमालेले व्यवसायी सुरज बैद्यलाई उठाउने तयारी गरेको स्रोतको दाबी छ ।

अध्यक्ष ओलीले मेयरमा उठ्ने चर्चामा रहेका व्यक्तिहरुलाई मेयरमा किन सिमित हुनुपर्यो ? भन्दै उनीहरुलाई प्रदेश र प्रतिनिधिसभामा उठ्नुपर्ने सुझाव दिने गरेका छन् । बैद्य व्यापारिक पृष्ठभूमिका व्यक्ति भएकोले उनलाई अघि बढाउँदा नै पार्टीलाई हित हुने उनको ठम्याई छ। बैद्य ओलीका विश्वासपात्रको रुपमा परिचित छन् । उनलाई ओली प्रधानमन्त्री भएको बेलामा नेपाल भ्रमण वर्षको संयोजक बनाएका थिए ।

प्रतिक्रिया दिनुहोस
थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम

कांग्रेसको सरकार बने मुख्यमन्त्री म हुन्छु : इन्द्र बानियाँ

  नेपाली कांग्रेसका नवनिर्वाचित प्रदेशसभा सदस्य इन्द्रबहादुर बानियाँले वागमती प्रदेशमा नेपाली कांग्रेसको सरकार