भागवण्डाको नयाँ झमेलामा गठबन्धनमा, फेरी रन्किए माधव नेपाल



 

 

मंगलबार मध्यरातमा बसेको सत्तारुढ गठबन्धनको बैठकले पनि भागवण्डा मिलाउन सकेन छ । गठबन्धनले महानगरपालिकाको भागवण्डा मिलाए पनि उपमहानगरपालिकाको बाँडफाड सकसपूर्ण देखिएको छ ।

यसै क्रममा जनकपुर र नेपालगञ्ज उपमहानगरमा भागबण्डा नमिलेपछि आज पनि सत्ता गठबन्धनको बैठक बस्ने भएको छ । जनकपुर र नेपालगञ्ज उपमहानगरपालिकाको दुवै मेयरको पदमा जसपाले दावी नछोडेपछि समस्या उही रहेको हो ।

११ वटा उपमहानगरमध्ये धरान र धनगढीमा कांग्रेसले मेयर र माओवादीले उपमेयर तथा इटहरी, बुटवल र तुलसीपुरमा कांग्रेसले मेयर र एकीकृत समाजवादीले उपमेयर पाउने सहमति भएको छ । त्यस्तै, घोराही र जितपुर–सिमरामा माओवादीलाई मेयर र कांग्रेसलाई उपमेयर दिने गरी बाँडफाँट भएको छ ।

हेटौंडामा मेयर एकीकृत समाजवादी र उपमेयर कांग्रेस तथा कलैयामा मेयर कांग्रेस र उपमेयर जसपाले पाउने सहमति भएको छ । ६ वटा महानगरमा कांग्रेसले ३ वटा, माओवादी, जसपा र नेकपा एसले एक एक वटा मेयर पाउने सहमति भइसकेको छ ।

यद्यपि गठबन्धनका शीर्ष नेतृत्वले बालुवाटारमा गरेको सहमतिमा भने स्थानीय नेता कार्यकर्ताहरुले आक्रोश र असन्तुष्टि पोखेका छन् । भरतपुर, पोखरा र वीरगञ्जमा अरु दललाई नेतृत्व दिने प्रधानमन्त्री एवम् कांग्रेस सभापति शेरबहादुर देउवाले निर्णय गरेसँगै कांग्रेसका भूगोलका नेता कार्यकर्ताहरुले असन्तुष्ट व्यक्त गरेका हुन् ।

उनीहरुले विद्रोह गर्ने र निर्वाचनको परिणामको जिम्मा नलिनसम्म चेतावनी दिएका छन् । उता पोखरामा गठबन्धनका उम्मेदवारले कांग्रेसको रुख चिन्हबाट चुनावमा प्रतिस्पर्धा गर्नुपर्ने कांग्रेसका नेताहरुले शर्त राखेका छन् । नत्र गठबन्धन बहिष्कार गर्ने उनीहरुको चेतावनी रहेको छ ।

नेकपा एकीकृत समाजवादीका अध्यक्ष माधवकुमार नेपालले सत्ता गठबन्धनको भागबण्डामा आफूहरूलाई अपमान गर्न खोजिएको भन्दै कुनै पनि पक्षबाट हुने अपमान सैह्य नहुने बताएका छन् । नेकपा गौरवशालीसँग पार्टी एकता घोषणा सभालाई सम्बोधन गर्दै अध्यक्ष नेपालले आफूहरू अपमान सहन नसकेर विद्रोह गरेका शक्ति भएकाले आफूहरूको शक्तिलाई कम नआँक्न चेतावनी दिए ।

नेपालले भने- हामी अपमान सहन जन्मिएका होइनौँ,अपमानका विरुद्ध विद्रोह गरेका शक्ति हौँ । हामी हाम्रो शक्तिको अति मूल्याङ्कन गर्दैनौँ तर अवमूल्यन गर्न पनि पाइँदैन । नेपालले सात महिनामै नेकपा एसले मेची देखि महाकालीसम्म जनलहर सिर्जना गरेको बताए । उनले सत्ता गठबन्धनमा चुनावी तालमेल हुने भन्दै भागबण्डा हैसियत अनुसार नै हुने बताए ।

प्रतिक्रिया दिनुहोस
थापाथलीमाको सुकुम्वासी बस्ती हटाउन पछि नहट्ने महानगर

  काठमाडौं महानगरका मेयर बालेन्द्र साह (बालेन) थापाथलीको सुकुम्वासी बस्तीलाई कुनै पनि हालतमा

आवासविहीन सुकुमबासीको राजनीति नगरौँ – बाबुराम भट्टराई

  ‘आवासविहीन सुकुमबासीको संवेदनशील प्रश्नमाथि कसैले छुद्र राजनीति नगरौँ ।  पूर्वप्रधानमन्त्री डा.बाबुराम भट्टराईले

समानुपातिकमा नेकपा एमाले अगाडि

  मंसिर ४ मा सम्पन्न आम निर्वाचनको समानुपातिकतर्फ नेकपा एमालेले निरन्तर अग्रता कायम

कांग्रेसको सरकार बने मुख्यमन्त्री म हुन्छु : इन्द्र बानियाँ

  नेपाली कांग्रेसका नवनिर्वाचित प्रदेशसभा सदस्य इन्द्रबहादुर बानियाँले वागमती प्रदेशमा नेपाली कांग्रेसको सरकार