काठमाडौंको मेयरमा भुवन केसीले उम्मेदवारी दिने



 

 

आउँदो वैशाख ३० गते हुन लागेको स्थानीय तहको निर्वाचनमा काठमाडौं महानगरपालिकाको मेयर पदमा चर्चित अभिनेता भुवन केसीले उम्मेदवारी दिने भएका छन् । कानुन व्यवसायी एवम् सञ्चारकर्मी/अभियन्ता स्वागत नेपाल अध्यक्ष रहेको उन्नत लोकतन्त्र पार्टीबाट भुवनले मेयर पदमा उम्मेदवारी दिन लागेका हुन् । मंगलबार बसेको सो पार्टीको केन्द्रीय कमिटी बैठकले काठमाडौंको मेयरमा अभिनेता केसीलाई उठाउने निर्णय गरेको बताइएको छ ।

अभिनेता केसीलाई उन्नत लोकतन्त्र पार्टीले परराष्ट्र विभागको विभागीय अध्यक्षको जिम्मेवारीसमेत दिएको छ । त्यस्तै, काठमाडौं महानगरपालिकाको उपमेयर पदमा रेश्मा लामालाई उठाउने निर्णय सो पार्टीले गरेको छ । मेयर र उपमेयर पदका उम्मेदवारले स्थानीय तहको निर्वाचनमा मतदातालाई प्रभावित गर्न एक रुपैयाँ पनि खर्च नगर्ने पार्टीले उल्लेख गरेको छ ।

२०७० सालको संसदीय निर्वाचनमा एमालेले भुवन केसीलाई काठमाडौं क्षेत्र नम्बर १ बाट उठाउने निर्णय गरेको थियो । तर, उनलाई टिकट दिएको भन्दै पार्टीभित्र विरोध भएपछि २४ घन्टामै उनको टिकट खोसियो । यसपछि एमालेसँग उनी टाढिएका थिए । केही दिनयता उनी राप्रपामा प्रवेश गर्न लागेको चर्चा चलेको थियो ।

यसरी उन्नत लोकतान्त्रिक पार्टीले भुवन केसीको उम्मेदवारीबारे सार्वजनिक विज्ञप्तिमार्फत् जानकारी गराएको भए पनि अभिनेता केसीले हालसम्म आफूले कुनै राजनीतिक दलका तर्फबाट उम्मेदवारी दिने निर्णय नगरेको स्पष्टिकरण दिएका छन् ।

मेयरमा आफ्नो उम्मेदवारीसम्बन्धी समाचार सार्वजनिक भएपछि घटना र विचारलाई संक्षिप्त प्रतिक्रिया दिँदै उनले भने, ‘मलाई सबैले माया गर्छन्, त्यही मायाका कारण मेराबारे हरेक कुरालाई समाचारको विषय बन्ने/बनाइने गरेको मेरो बुझाइ छ । विभिन्न राजनीतिक दलको नेतृत्वले मलाई आफ्नो पार्टीमा प्रवेश गरी महत्वपूर्ण जिम्मेवारी लिन आग्रह पनि गर्ने गर्नुभएको छ । तर, हालसम्म मैले कुनै पनि दलका तर्फबाट मेयरमा उम्मेदवारी दिने निर्णय नलिएको विनम्र जानकारी गराउन चाहन्छु ।’

प्रतिक्रिया दिनुहोस
जसपाले सवै मन्त्री फिर्ता बोलायो

    सत्तारुढ जनता समाजवादी पार्टी (जसपा)ले पार्टीबाट सरकारमा सहभागी सबै मन्त्रीलाई फिर्ता

रवि लामिछानेको पार्टी निर्वाचन आयोगद्वारा दर्ता, चुनाव चिन्ह गोलाकारभित्रको घण्टी

    सञ्चारकर्मी रवि लामिछानेले गठन गरेको राष्ट्रिय स्वतन्त्र पार्टी निर्वाचन आयोगमा दर्ता

काठमाडौं महानगरमा भिख माग्न नपाँउने

    काठमाडौं महानगरभित्रका सार्वजनिक स्थानमा भिक्षा माग्न निषेध गरिएको छ । काठमाडौं

एमाले अध्यक्ष ओलीको शरणमा वामदेव गौतम

    नेकपा एकता राष्ट्रिय अभियान पार्टीको अध्यक्ष बनेका वामदेव गौतम एमाले अध्यक्ष