कृषि विकास निर्देशनालयको हालसम्म २० प्रतिशत मात्र खर्च



 

 

बाग्मती प्रदेशको कृषि तथा पशुपन्छी मन्त्रालयअन्तर्गतको कृषि विकास निर्देशनालयले चालु आर्थिक वर्षको फागुनसम्म अर्थात् विगत आठ महिनामा कूल २० प्रतिशत मात्र बजेट खर्च गरेको छ । निर्देशनालयले विगत आठ महिनाको उपलब्ध गराएको प्रगति विवरणानुसार निर्देशनालयका लागि चालु आर्थिक वर्षमा  ५० करोड ५८ लाख ४८ हजार बजेट विनियोजन भएकामा हालसम्म सो निर्देशनालयले रु १५ करोड ९२ लाख ३५ हजार मात्र खर्च गरेको छ ।

सो निर्देशनालयका लागि मन्त्रालयले दोस्रो चौमासिकका लागि  १५ करोड बजेट उपलब्ध गराए पनि उक्त अवधिमा  सात करोड मात्र खर्च भएको निर्देशनालयका प्रमुख रवीन्द्रबहादुर प्रधानले जानकारी दिनुभयो । अर्कोतर्फ सो मन्त्रालयअन्तर्गतको पशुपन्छी तथा मत्स्य विकास निर्देशनालयले चालु आर्थिक वर्षको आठ महिनामा ५१ प्रतिशत रकम खर्च गरेको जनाएको छ । निर्देशनालयका प्रमुख मुगलप्रसाद शाहका अनुसार मन्त्रालयले  तीन करोड ९८ लाख बजेट विनियोजन गरिएकामा  दुई करोड तीन लाख खर्च भएको बताइएको छ ।

पशुपालनमा लाग्ने रोग र त्यसको विकास तथा विभिन्न औजारलगायत अनुदानमा खर्च भएको उहाँको भनाइ छ । प्रयोगशालाका लागि उपकरण खरिदमा ढिलाइ र कर्मचारी कम भएको समस्याले काम गर्न समस्या भएको शाहले बताउनुभयो । उक्त विषयमा कृषि तथा पशुपन्छी विकास मन्त्रालयका सचिव डा. शरण कुमार पाण्डेले निर्देशनालयहरुको वित्तीय प्रगति कमजोर रहेकाले यसको कामलाई तीव्रता दिनुपर्नेमा जोड दिनुभयो । प्रदेशका कृषि र भेटेरिनरी कार्यालय तथा मन्त्रालयबीच समन्वय गरी काम गर्न सकेमात्र उहाँले प्रगति हुने बताउनुभयो । बागमती प्रदेशका विभिन्न स्थानमा देखिएको बर्डफ्लु रोगको नियन्त्रणमा जोड दिइएको समेत सचिव डा. पाण्डेले जानकारी दिनुभयो ।

प्रतिक्रिया दिनुहोस
यसरी हुन सक्छन् एमाले–माओवादीको केन्द्रदेखि प्रदेशसम्म सरकार

    नेकपा माओवादी केन्द्रले सरकार गठनबारे सबै विकल्प खुला राख्ने निर्णय लिएपछि

यी हुन् एमालेबाट चुनिनसक्ने समानुपातिकका सांसदहरू

    ४ मंसिरमा सम्पन्न प्रतिनिधि सभा र प्रदेश सभा निर्वाचनको मतपरिणाम अन्तिम

बागबजार क्षेत्रका व्यवसायी पार्किङ माग गर्दै आन्दोलनमा

  सडक किनारमा पार्किङ गर्न नदिएको विरोधमा बागबजार क्षेत्रका व्यवसायी आन्दोलनमा उत्रिएका छन्

त्रिभुवन अन्तर्राष्ट्रिय विमानस्थल आज दिनभर प्रभावित

    त्रिभुवन अन्तर्राष्ट्रिय विमानस्थलमा आज (बिहीबार) क्यालिब्रेसन (यान्त्रिक परीक्षण) उडान हुँदैछ। थाइल्याण्डको