संसारभरिका मानिसलाई सडकमा उत्रन जेलेन्स्कीको अपिल



 

 

रुसले आफ्नो देशमा अतिक्रमण गरेको एक महिना पुगेको दिनमा युक्रेनका राष्ट्रपति भोलोदिमिर जेलेन्स्कीले संसारभरिका मानिसहरूलाई अपिल गर्दै सडकमा उत्रिएर उनको देशप्रति समर्थन जनाउन भनेका छन् ।

निरन्तरको रुसी बमबारी झेलिरहेको युक्रेनका राष्ट्रपति जेलेन्स्कीले सम्बोधनमा संसारभरिका मानिसलाई बिहीवार सडकमा उत्रिएर युक्रेनप्रति समर्थन जनाउन अपिल गरेका हुन् ।

आफ्नो दैनिक सम्बोधनका क्रममा केही बेर अङ्ग्रेजीमा बोल्दै उनले मानिसहरूलाई युक्रेनी प्रतीक लिएर आउन भनेका छन् ।

उनले भने, ‘तपाइँहरू आफ्ना सहरका चोक तथा सडकमा आउनुस् । देखिनुस् र सुनिनुस् । मानिसको जीवनको महत्त्व छ, स्वतन्त्रताको महत्त्व छ, शान्तिको महत्त्व छ अनि युक्रेनको महत्त्व छ भनेर बोल्नुस्, ‘मार्च २४ मा युद्ध रोक्न चाहने सबैजना एकत्रित हुनुस् ।’

उनले युक्रेनमा रुसले स्वतन्त्रताविरुद्ध युद्ध छेडिरहेको पनि बताए । रुसको निर्मम र मुढे बललाई संसारले रोक्नुपर्ने उनले बताए । रुसले आक्रमण गरेको एक महिना बितिसकेको र यसबीच आफ्नो, सबै युक्रेनी जनताको अनि यस धरतीका सबै स्वतन्त्र मानिसको मुटु चुँडिएको उनले उल्लेख गरे ।

ब्रसल्समा नेटो बैठक हुन लागेको बेला उनको सम्बोधन आएको छ । बुधबार युक्रेनको राजधानी किएभका भूभागमा निरन्तर रुसी बमबारी भएका छन् । पश्चिमा विश्लेषकहरूले युक्रेनले प्रत्याक्रमण गरिरहेको र केही साना सहर पुनः आफ्नो कब्जामा लिएको बताएका छन् ।

भूउपग्रहले खिचेका तस्वीरमा मारिओपोल सहरमा व्यापक क्षति पुगेको अनि आवासीय भवनहरूबाट धुवाँको मुस्लो निस्किरहेको देखिएको छ । उत्तरतर्फ रुसले डेस्ना नदीमाथिको एक महत्त्वपूर्ण पुल ध्वस्त पार्दै चेर्निहिव सहर र राजधानीबीचको मुख्य सम्पर्क मार्ग विच्छेद गरिदिएको छ । बीबीसीबाट

प्रतिक्रिया दिनुहोस
प्रचण्डको नगरपालिकामा एमालेकी ताराकुमारी विजयी

    माओवादी अध्यक्ष प्रचण्डको निर्वाचन क्षेत्र माडी नगरपालिकामा एमालेले जित निकालेको छ

बुनपा १० मा एमालेका नवराज भट्टराईको प्यान नै विजयी

    बुढानिलकण्ठ नगरपालिका वडा नं  १० मा नेकपा एमालेको प्यानल भारी अन्तरले

बुढानिलकण्ठ नगरपालिका प्रमुख र उपप्रमुखमा नेकपा एमालेको फराकिलो अग्रता

    बुढानिलकण्ठ नगरपालिका प्रमुख र उपप्रमुखमा नेकपा एमालेले अग्रता फराकिलो बनाएको छ।

गुल्मीको मुसिकोट नगरपालिकामा गठबन्धनलाई हराउँदै एमाले उम्मेदवार विजयी

    नेकपा एमालेका सचिव गोकर्ण विष्टको निर्वाचन क्षेत्रमा पर्ने मुसिकोट नगरपालिकामा गठबन्धनलाई