अदालतले बनाइदिएको गठबन्धन जनताले पछार्नेछ : अध्यक्ष ओली



 

नेकपा एमालेका अध्यक्ष केपी शर्मा ओलीले सर्वाेच्च अदालतकोपरमादेशबाट बनाइ दिएको पाँच दलीय गठबन्धन र सरकारलाई जनताको आँगनमा लगेर पछार्ने घोषणा गर्नुभएको छ । एमाले सम्पर्क समन्वय कमिटीले आज काठमाडौंमा आयोजित प्रशिक्षणमा बोल्दै अध्यक्ष ओलीले यस्तो घोषणा गर्नुभएको हो ।

‘बैशाख ३० गते हुने स्थानीय निर्वाचनबाट संघ र प्रदेशको निर्वाचनको झलक दिनु छ, ताकि यिनीहरुलाई निन्द्रा लाग्न छाडोस, खान रुच्न छाडोस, अदालतले बनाएको गठबन्धन र सरकारलाई जनताको आँगनमा लगेर पछार्नुपर्छ,’ अध्यक्ष ओलीले भन्नुभयो, ‘यो अदालतले बनाइदिएको गठबन्धन हो । जनताले हो र गठबन्धन बनाइदिएको रु भोटले हो र ? यस्तालाई जनताको आँगनमा लगेर पछार्नुपर्छ । अदालतले बनाएको सरकारलाई मुद्दा लड्न जाउ भन्ने हो, हामी जनताको बीचमा जाने हो ।’

उहाँले अवको चुनावमा कांग्रेसलाई १३ सिटमा झार्नु पर्ने बताउनु भयो । ‘अघिल्लो चुनावमा कांग्रेसले २३ सिट जितेको थियो, २३ बाट १३ मा झारिदिनुपर्छ अवको चुनावमा,’ ओलीले भन्नुभयो, ‘अव कांग्रेसलाई किन हाल्ने भोट । बृद्धबृद्धाले कांग्रेसलाई भोट हाल्दैनन, भत्ता खाने बेला भइसकेको छ अव कांग्रेसलाई किन हाल्ने भोट भन्छन, हाल्दैनन, युवाले पनि यस्तोबितण्डा मच्चाउनेलाई किन भोट हाल्नेभन्छन, हाल्दैनन ।’

अध्यक्ष ओलीले पाँच दललाई गिद्धको संज्ञा पनि दिनुभयो । ‘एउटा गिद्ध घरको घुरीमा बस्यो भने पुजा गर्छन, के के गर्छन, यहाँ त पाँच पाँच ओटा बसेका छन,’ ओलीले भन्नुभयो । उहाँले महाभारतको नाबालक अभिमन्यूलाई महारथी मिलेर चक्रब्यूँहमा पारी मारेको प्रसंग कोट्याउँदै अहिलेको अभिमन्यूलाई त्यो संभव नहुने बताउनु भयो ।

‘त्यो अभिमन्यू नाबालक थियो, चक्रब्यूँहमा पून मात्रै आउँथ्यो, निस्कन आउँदैनथियो, अहिलेको अभिमन्यूलाई चक्रब्यूँह तोडेर पस्न पनि आउँछ, तोडेर निस्कन पनि आउँछ । यस्ता चक्रब्यूँहले हामीलाई रोक्न सक्दैन,’ ओलीले भन्नुभयो ।

उहाँले कांग्रेससँग जनतासँग जाने कुनै एजेण्डा नरहेकाले एमालेको भण्डाफोर गर्ने नीति लिएको भन्दै आउने स्थानीय चुनावमा एमालेले बहुमत सिट जित्नै पर्ने बताउनु भयो ।

प्रतिक्रिया दिनुहोस
म पुरानो डाइभर हुँ नि : अध्यक्ष ओली

    नेकपा (एमाले) का अध्यक्ष केपी शर्मा ओली धान रोपाईंमा सहभागी हुुनुभएको

प्रभु बैंक र फोकसवान पेमेण्ट सोलुसन्सबीच सम्झौता

      प्रभु बैंक लि. र फोकसवान पेमेण्ट सोलुसन्स् प्रा.लि. का विच

विवादित मन्त्री विमलाले दिइन् राजीनामा

    लुम्बिनी प्रदेशकी स्वास्थ्य राज्यमन्त्री विमला खत्री वलीले पदबाट राजीनामा दिएकी छन्

एमाले-माओवादी ब्युँताउने सर्वोच्चको फैसला त्रुटिपूर्ण : वामदेव गौतम

    नेकपा एकता राष्ट्रिय अभियान पार्टीले एमाले र माओवादी केन्द्रलाई पूर्ववत अवस्थामा