पेट्रोलियम पदार्थको मुल्यबृद्धि फिर्ता लिन नेता साहको माग



 

नेपाल कम्युनिष्ट पार्टी (एमाले) का स्थायी कमिटी सदस्य एवं पूर्वमन्त्री प्रभु साहले जनभावना विपरित पेट्रोलियम पदार्थमा गरिएको मुल्यबृद्धि फिर्ता लिन सरकारसंग माग गरेका छन् । जनताले देख्न र महशुस गर्ने गरी विकास र समृद्धिको कार्यक्रम ल्याउन नसकेको प्रधानमन्त्री शेरबहादुर देउवा नेतृत्वको सरकारलाई ‘सरकारी लुट आतंक’को संज्ञा दिदै उनले पेट्रोलियम पदार्थमा गरिएको मुल्यबृद्धिको विरोध गरेका छन् ।
‘परमादेशी गठबन्धन सरकारले फेरिपनि प्रजातन्त्र दिवसको उपहार स्वरूप आम जनजीवीकासंग सम्बन्धित पेट्रोलियम पदार्थमा समेत चर्को मुल्यबृद्धि गरेकोप्रति घोर विरोध एवं निन्दा गर्दै यथाशीघ्र मुल्यबृद्धि फिर्ता लिन जोडदार माग गर्दछु’ साहले भने । देशमा संविधान र लोकतन्त्र रक्षार्थ समयमा उपनिर्वाचन गराउन नसक्ने, समयमैं थप खोपको समुचित प्रबन्ध मिलाउनुको सट्टा २२ लाख खोप नै लापता पार्ने, जनतालाई मौलिक एवं संवैधानिक हकहरुको पनि प्रत्याभूति दिलाउन नसक्ने आरोप देउवा सरकारमाथि उनले लगाएका छन् ।
‘राष्ट्रिय महत्व एवं गौरवका आयोजनहरु त धेरै परका कुरा भए, अहिले सामान्य रुपमा देश र जनताले देख्न र महशूस गर्न सक्ने गरी कुनैपनि किसिमका विकास र समृद्धिको कार्यक्रम समेत ल्याउन नसक्ने तर जनभावना विपरीत कर, कमिशन (सरकारी लुट आतंक), महंगी, भ्रष्टाचार, दण्डहिनता एवं लम्पसारवाद जस्ता जात्रा देखाउन सरकार सफल रहेको छ’ साहले भने । पछिल्लो समय सरकारले पेट्रोलियम पदार्थमा पटक पटक मुल्यबृद्धि गर्दै आएको छ । जनस्तरबाट मुल्यबृद्धिको विरोध समेत भईरहेको छ ।

प्रतिक्रिया दिनुहोस
प्रचण्डको नगरपालिकामा एमालेकी ताराकुमारी विजयी

    माओवादी अध्यक्ष प्रचण्डको निर्वाचन क्षेत्र माडी नगरपालिकामा एमालेले जित निकालेको छ

बुनपा १० मा एमालेका नवराज भट्टराईको प्यान नै विजयी

    बुढानिलकण्ठ नगरपालिका वडा नं  १० मा नेकपा एमालेको प्यानल भारी अन्तरले

बुढानिलकण्ठ नगरपालिका प्रमुख र उपप्रमुखमा नेकपा एमालेको फराकिलो अग्रता

    बुढानिलकण्ठ नगरपालिका प्रमुख र उपप्रमुखमा नेकपा एमालेले अग्रता फराकिलो बनाएको छ।

गुल्मीको मुसिकोट नगरपालिकामा गठबन्धनलाई हराउँदै एमाले उम्मेदवार विजयी

    नेकपा एमालेका सचिव गोकर्ण विष्टको निर्वाचन क्षेत्रमा पर्ने मुसिकोट नगरपालिकामा गठबन्धनलाई