मन्त्री र नेताका गाडीमा सुन तस्करीको शंका पछी मन्त्रीकै गाडीमा चेकजाँच



काठमाडौंबाट ८८ किलो अवैध सुन बरामद भएपछि रसुवामा सवारी चेकजाँचमा कडाइ गरिएको छ।
लाङटाङ राष्ट्रिय निकुञ्जको सुरक्षार्थ खटिएको नेपाली सेनाको कालीजंग गणले जिल्लामा भित्रने तथा बाहिरिने सवारी चेकजाँचमा कडाइ गरेको हो। अन्तर्राष्ट्रिय नाकाको रुपमा घोषणा भएको रसुवागढी नाकाबाट सुन तस्करी बढ्दै जान थालेपछि जिल्लाको कालिकास्थान, धुन्चे र रसुवागढीमा सेनाले सामान्य नागरिकदेखि नेता, मन्त्री लगायतले प्रयोग गर्ने सबैखाले सवारी साधनमा चेकजाँच थालेको गणले जनाएको छ।

सुन लगायतका अन्य वस्तुहरुको तस्करीमा सरकारी गाडीको समेत दुरुपयोग हुन सक्ने देखिएपछि पासाङल्हामु राजमार्गको बेत्रावतीदेखि रसुवागढीसम्मको सडकखण्डमा गुड्ने सरकारी, निजी तथा अन्तर्राष्ट्रिय नियोगका सवारी साधनको समेत गणको टोलीले चेकजाँच तथा इन्ट्री गर्ने कार्य सुरु गरेको हो।

८८ किलो सुन प्रकरणमा रसुवागढीमा मात्र सवारी साधनको दर्ता हुनुले नम्बर प्लेट समेत परिवर्तन भएको हुन सक्ने आशंकामा सेनाले सवारी साधनको बिलबुकको र नम्बर फरक भए-नभएको यकिन गर्न चेकजाँच गरिरहेको जनाएको छ।

यसअघि नेपाली सेनाले निजी सवारी साधनको मात्र चेकजाँच र दर्ता गर्ने गरेको थियो।
राजधानीको क्षेत्रपाटीबाट ८८ केजी सुनसहित भदौ १९ गते बिहान बा२७प ६४२७ को गाडी चालक मनोज अधिकारी पक्राउ परेका थिए। त्यसपछि प्रहरीले सुन तस्करीका लागि प्रयोग भएको टाटा स्ट्रोम गाडीलाई रसुवाबाट केरुङ लैजाने र केरुङबाट रसुवा हुँदै काठमाडौं ल्याउने चालकहरु दाम्पा तामाङ र दिलीप खड्कालाई पनि पक्राउ गरिसकेको छ।
बरामद सुनका मालिक चिनियाँ दम्पत्ती याङ वेन विङ र उनका पति पान विई मिङ भएको खुलेको छ।र प्रहरी प्रमुख आर्यालको पनि संलग्नता खुलेको छ।

प्रतिक्रिया दिनुहोस
म पुरानो डाइभर हुँ नि : अध्यक्ष ओली

    नेकपा (एमाले) का अध्यक्ष केपी शर्मा ओली धान रोपाईंमा सहभागी हुुनुभएको

प्रभु बैंक र फोकसवान पेमेण्ट सोलुसन्सबीच सम्झौता

      प्रभु बैंक लि. र फोकसवान पेमेण्ट सोलुसन्स् प्रा.लि. का विच

विवादित मन्त्री विमलाले दिइन् राजीनामा

    लुम्बिनी प्रदेशकी स्वास्थ्य राज्यमन्त्री विमला खत्री वलीले पदबाट राजीनामा दिएकी छन्

एमाले-माओवादी ब्युँताउने सर्वोच्चको फैसला त्रुटिपूर्ण : वामदेव गौतम

    नेकपा एकता राष्ट्रिय अभियान पार्टीले एमाले र माओवादी केन्द्रलाई पूर्ववत अवस्थामा