कोइरालाले लखेट्न थाले संगै प्रकाशमानले पनि दिए शेरबहादुरलाई कडा चेतावनी



नेपाली कांग्रेसका नेता प्रकाशमान सिंहले पार्टी सभापति शेरबहादुर देउवालाई स्वेच्छाचारी प्रवृत्ति त्याग्न सुझाव दिएका छन् । यदि नसच्चिए सशक्त प्रतिवाद गर्ने उनले चेतावनी समेत दिए ।
बीपी स्मृति दिवसको अवसरमा आइतबार सिन्धुपाल्चोक कांग्रेसको भवन शिलान्यास कार्यक्रमलाई सम्बोधन गर्दै नेता सिंहले पार्टी नेतृत्व विधान भन्दापनि ब्यक्तिवादी सोचले चल्ने गरेको आरोप लगाए ।

आफूले पार्टी सुदृढीकरणका लागि प्रयास जारी राखेको भन्दै सिंहले भने, ‘पार्टी सभापति जे जसरी चलिरहनु भएको छ, यदि नसच्चिए कसैको ब्यक्तिगत स्वार्थसिद्ध गर्ने नाउँमा पार्टी कमजोर भएको हेरेर बस्न सक्दैनौं । यसको सशक्त प्रतिवाद गर्छौं ।’

पार्टी एक भएर राष्ट्रिय मुद्दाहरु लिएर जनतामा जानुपर्ने बेलामा बिपक्षीहरुले कांग्रेसलाई अर्थहिन आरोप लगाउँदा समेत खण्डन समेत गर्न नसकेको भन्दै नेतृत्वको आलोचना गरे ।

केन्द्रीय नेतृत्व नै बिधिसम्मत तरिकाले नचल्दा जिल्ला, क्षेत्र, नगर र गाउँमा त्यसको नकारात्मक असर परेको उनले बताए । आफूहरु स्थानीय तहका नेता कार्यकर्ताहरुलाई निर्देशन दिँदै उनले भने, ‘हामीहरु केन्द्रीय राजनीति सुधार्न लागेका छौं । तपाईं स्थानीय तहका नेताहरुले पनि विधि विधान र अनुशासित भएर पार्टी संगठनलाई सुधार्नुस् ।’

कांग्रेसलाई बिधिसम्मत चलाउन सकेमात्र वीपी कोइरालाप्रति सच्चा श्रद्धाञ्जली हुने भन्दै उनले कुरा गर्ने नभइ व्यवहारमा लागू गर्नुपर्नेमा जोड दिए ।

उनले चुनाव नजिकिएकाले सबै मतभेद भुलेर कांग्रेसलाई जिताउने अभियानमा लाग्न निर्देशनसमेत दिए ।

कार्यक्रममा जिल्ला सभापति बिकास लामा र पूर्व जिल्ला सभापतिहरुले अब कांग्रेसका उम्मेदवारलाई जिताउन आफूहरु एक भएर लाग्ने प्रतिवद्धता जनाएका थिए ।

सिन्धुपाल्चोक कांग्रेसको भवन निर्माणका लागि कांग्रेस पूर्व जिल्ला सभापति स्वर्गीय रोहिणिराज सिग्देलले १३ आना जग्गा प्रदान गरेका छन् । करिब १ करोड ३७ लाख रुपैयाँ लागत अनुमान गरिएको सो भवन आगामी एक वर्षभित्र बनाइसक्ने लक्ष्य रहेको जिल्ला सभापति बिकास लामाले जानकारी दिए ।

 

प्रतिक्रिया दिनुहोस
मलाई थप सरकार चलाउनु छैन, संसद विघटन हुन्छ : प्रधानमन्त्री ओली

  प्रधानमन्त्री केपी शर्मा ओलीले आफूलाई सरकार चलाउन मन नलागेकाले विश्वासका मत नलिएको

प्रधानमन्त्री ओलीले भोलि धरहराको उद्घाटन गर्ने

  २०७२ सालको बिनाशाकारी भूकम्पले ढालेको धरहरा उठेको छ अर्थात धरहराको पुनर्निर्माण सम्पन्न

प्रधानमन्त्री ओलीलाई तीनतिरको तनाव

  संघीयतामा प्रदेश बलियो भएर तिनले आफ्नो भाग्य र भविष्यको फैसला गर्न पाउनुपर्ने

कांग्रेस सांसदले गरे प्रदेशसभा तोडफोड

  प्रदेश ५ को प्रदेशसभामा नेपाली कांग्रेसका सांसदको विरोधका बीच प्रदेशसभा बैठकलाई निरन्तरता