नेपाल आइडल मुद्दाले थलियो,भोली कस्तो आउदैछ फैसला?



अन्तराष्ट्रिय स्तरको पहिलो टेलिभिजन रियालिटी शो नेपाल आइडलका विषयमा आगामी निर्णय अदालतले गर्ने भएको छ ।

नेपाल आइडलको यसअघिको शुक्रबारको टप ३ छनोट प्रकृयामा निर्णायकहरुले जनताले दिएको भोटको वेवास्ता गरेर एकाधिकार प्रयोग गरेको भन्दै सोमबार अधिवक्ता यज्ञमणी न्यौपानेले काठमाडौं जिल्ला अदालतमा मुद्दा दर्ता गरेका हुन् । उनले करार ऐन २०५६ को दफा ८७ को उपदफा १ र २ मा टेकेर आइडल विरुद्ध मुद्धा दायर गरेका हुन् ।

ऐेनको दफा ८७ मा अदालतले आदेश दिन सक्ने उल्लेख छ । त्यसको उपदफा (१) मा करारको कुनै पक्षले सो करारको प्रकृति अनुसार गर्न नहुने कुनै काम कारबाही वा व्यवहार गर्न लागेको कारणबाट करारको परिपालना सम्भव नहुने भएमा त्यस्तो काम कारबाही वा व्यवहारबाट मर्का पर्ने पक्षले त्यस्तो काम कारबाही वा व्यवहार रोकी पाउने जिल्ला अदालतमा उजुरी दिन सक्नेछ । उपदफा (२) को (१) मा उजुरी परेमा प्रचलित कानूनमा जुनसुकै कुरा लेखिएको भए तापनि सो करारबाट उत्पन्न विवादको समाधान सो करार वा प्रचलित कानून बमोजिम हुने गरी कुनै पक्षलाई निजको कुनै खास काम कारबाही वा व्यवहार तत्काल रोक्ने गरी उपयुक्त आदेश जारी गर्न सक्नेछ ।

अदालतले यस मुद्दाको पेशी बुधबारलाई तोकेको छ । अदालतको बुधबारको फैसलापछि नेपाल आइडलको आगामी श्रृखलाको विषयमा तय हुनेछ ।

अन्तिमा ४ मा निशान भट्टराइ, प्रताप दास, सागर आलेमगर र वुद्ध लामामध्ये कोही पनि एलिमिनेट नहुने निर्णायकहरुको घोषणापछि यो विवादमा तानिएको थियो । टप ३ छानिनुपर्नेमा जजहरुको ‘नो-एलिमिनेशन’ घोषणासँगै चारै प्रतिस्पर्धी सेफ भएका थिए । यो साता निर्णायकले दर्शकलाइ अझै सोच्ने समय दिने भन्दै कोहीलाइ पनि आउट नगर्ने निर्णय गरेको निर्णायकहरुले प्रतिक्रिया दिएका थिए ।

नो-एलिमिनेशनको निर्णयको पछाडि एसएमएस भोटिङ्को कमार्इ र कमिसन खेल रहेको आशंका गरिएको छ । एकपटक एकजनालार्इ एएएमएस गर्दा करसहित सात रुपैयाँ ३५ पैसा लाग्छ । नेपाल आइडलमा एक राउण्डमा कम्तिमा ३७ लाख भोट हुन्छ । यस साता ३७ लाख २० हजार २ सय १८ भोट प्राप्त भएको घोषणा गरेको थियो । यसरी हेर्दा एक राउण्डमा एसएमएसबाट २ करोड ७३ लाख ८३ हजार रुपैयाँ बराबरको एसएमएस गरिएको छ । यो पैसाको खेलमा लागेर जजहरुले आफ्नो भिटो प्रयोग गरी भोटिङ्लार्इ पाखा लगाएको आरोप निर्णायकहरुलार्इ लागेको छ ।

सुरुमा भोटिङ्का आधारमा सुरु गरिएको प्रतिस्पर्धामा निर्णायकहरुले यसरी प्रतिस्पर्धीहरुका फ्यानले दिएको भोटलार्इ नै नमानेर भिटो प्रयोग गरी मनोमानी गरेको भन्दै सामाजिक सञ्जालमा आलोचना भएको नेपाल ताराले उल्लेख गरेको छ ।

प्रतिक्रिया दिनुहोस
मलाई थप सरकार चलाउनु छैन, संसद विघटन हुन्छ : प्रधानमन्त्री ओली

  प्रधानमन्त्री केपी शर्मा ओलीले आफूलाई सरकार चलाउन मन नलागेकाले विश्वासका मत नलिएको

प्रधानमन्त्री ओलीले भोलि धरहराको उद्घाटन गर्ने

  २०७२ सालको बिनाशाकारी भूकम्पले ढालेको धरहरा उठेको छ अर्थात धरहराको पुनर्निर्माण सम्पन्न

प्रधानमन्त्री ओलीलाई तीनतिरको तनाव

  संघीयतामा प्रदेश बलियो भएर तिनले आफ्नो भाग्य र भविष्यको फैसला गर्न पाउनुपर्ने

कांग्रेस सांसदले गरे प्रदेशसभा तोडफोड

  प्रदेश ५ को प्रदेशसभामा नेपाली कांग्रेसका सांसदको विरोधका बीच प्रदेशसभा बैठकलाई निरन्तरता