५२ सालको आफ्नै रेकर्ड तोड्दै देउवाले फेरी क्याबिनेट विस्तार गर्दै,५६ जना मन्त्री बन्दा को-को नयाँ थपिदै छन्



५० सदस्यीय मन्त्रिपरिषद् रहेको देउवा सरकारले राप्रपा प्रजातान्त्रिकका ६ जना मन्त्रि थप्दै पुनः मन्त्रिपरिषद् विस्तार गर्ने तयारी गरेका छन् । यो संगै प्रधानमन्त्री शेरबहादुर देउवा नेतृत्वको सरकार इतिहासकै सबैभन्दा जम्बो बन्ने भएको छ ।

देउवाले २०५२ सालमा आफ्नै नेतृत्वको सरकारको ५२ सदस्यि मन्त्रिपरिषद्को रेडर्क तोड्दै ५६ सदस्यिय मन्त्रिपरिषद् बनाउन लागेका हुन् । सत्ता साझेदार दलसंग छलफल गरेर सम्भवत शुक्रबार राप्रपा प्रजातान्त्रिकका ४ मन्त्रि र २ राज्यमन्त्रीलाई सपथ खुवाउने प्रधानमन्त्री देउवाको तयारी छ ।

प्रजातान्त्रिकले मन्त्री बन्नेको नाम टुंगो लगाएपनि आफ्नो भागमा परेको मन्त्रालय हेरफेरबारे सत्ता साझेदार दल माओवादी केन्द्रका अध्यक्ष पुष्पकमल दाहालसँग छलफल गर्ने भएको छ ।

गणतन्त्र स्थापनापछिको सवै भन्दा ठूलो मन्त्रीमण्डल गठन गर्दा समेत राप्रपालाई सरकारमा सहभागी गराउने भन्दै प्रधानमन्त्री देउवाले चार मन्त्रालय आफैले सम्हाल्दै आएका छन् ।

वन, उद्योग, शान्ति तथा पुनर्निर्माण र महिला बालवालिका तथा समाज कल्याण मन्त्रालयबारे राप्रपा प्रजातान्त्रिकले पुनर्विचार गर्न आग्रह गरेपछि सत्ता साझेदार दलसँग छलफल गरेर मात्र सरकारमा सहभागी हुने तयारी गरेको हो ।

चुनावी प्रचार प्रसारका क्रममा दुई नम्बर प्रदेशमा रहेका माओवादी केन्द्रका अध्यक्ष पुष्पकमल दाहाल काठमाडौं फर्कएसंगै शुक्रबार साँझसम्ममा राप्रपा प्रजातान्त्रिक सरकारमा सहभागी हुने एक नेताले जानकारी दिए ।

राप्रपा प्रजातान्त्रिकले सुनिलकुमार थापा, दिपक बोहोरा, बिक्रम पाण्डे र रामकुमार सुब्बालाई पनि मन्त्री बनाउने निर्णय गरेको छ । थप दुई राज्यमन्त्री बनाउने निर्णय भएपनि नाम भने तय भइनसकेको राप्रपा प्रजातान्त्रिकले जनाएको छ ।

सरकारमा सहभागी हुने नहुने बिषयमा मतभेद भएपछि कमल थापा नेतृत्वको राप्रपाबाट अलग भएको राप्रपा प्रजातान्त्रिकले हालैमात्र निर्वाचन आयोगबाट दलको मान्यता पाएको हो । राप्रपा प्रजातान्त्रिकले आफुसँग १८ सांसद रहेको दावी गर्दै आएको छ ।

यसअघि गत भदौ ७ गते देउवाले १५ राज्यमन्त्री थपेका थिए । अहिले मन्त्रिपरिषद्मा २६ मन्त्री र २३ राज्यमन्त्री छन् । कांग्रेस, माओवादी र फोरम लोकतान्त्रिकबाट एक–एकजना उपप्रधानसहित मन्त्री बनेका छन् ।

रेकर्ड देउवाकै नाममा ०५२ सालमा ५२ मन्त्री

यसअघि ०५२ मा शेरबहादुर देउवा नेतृत्वको मन्त्रिपरिषद् ५२ सदस्यीय थियो । २२ वर्षपछि आफ्नै नेतृत्वमा सरकार गठन गर्दा देउवा पुरानो रेकर्ड ताेड्न लागेका हुन् ।

०६२/६३ को दोस्रो जनआन्दोलनपछि र गणतन्त्र आएपछि बनेका सरकारमध्ये अहिलेको ५० सदस्यीय मन्त्रिपरिषद् सबैभन्दा ठूलो आकारको बनिसकेकाे छ । बाबुराम भट्टराई प्रधानमन्त्री हुँदा मन्त्रिपरिषद् ४९ सदस्यीय र माधव नेपाल प्रधानमन्त्री हुँदा ४८ सदस्यीय थियो । यी सबैलाई पछार्दै देउवाले इतिहास रच्ने भएका हुन्।

प्रतिक्रिया दिनुहोस
मलाई थप सरकार चलाउनु छैन, संसद विघटन हुन्छ : प्रधानमन्त्री ओली

  प्रधानमन्त्री केपी शर्मा ओलीले आफूलाई सरकार चलाउन मन नलागेकाले विश्वासका मत नलिएको

प्रधानमन्त्री ओलीले भोलि धरहराको उद्घाटन गर्ने

  २०७२ सालको बिनाशाकारी भूकम्पले ढालेको धरहरा उठेको छ अर्थात धरहराको पुनर्निर्माण सम्पन्न

प्रधानमन्त्री ओलीलाई तीनतिरको तनाव

  संघीयतामा प्रदेश बलियो भएर तिनले आफ्नो भाग्य र भविष्यको फैसला गर्न पाउनुपर्ने

कांग्रेस सांसदले गरे प्रदेशसभा तोडफोड

  प्रदेश ५ को प्रदेशसभामा नेपाली कांग्रेसका सांसदको विरोधका बीच प्रदेशसभा बैठकलाई निरन्तरता