नेपाल भोलि मलेसियासँग प्रतिस्पर्धा गर्दै



आईसीसी यु–१९ विश्वकप क्रिकेटअन्तर्गत एसिया क्षेत्रको छनोट खेलमा नेपालले भोलि सोमबार मलेसियासँग प्रतिस्पर्धा गर्दैछ । सिंगापुरस्थित इण्डियन एसोसिएसन मैदानमा हुने खेलमा नेपाल जितको खोजीमा हुनेछ । नेपाली समयअनुसार विहान ७ बजेर १५ मिनेटमा नेपालले जारी छनोटमा पाँचौं खेल खेल्न लागको हो ।

नेपालले विश्वकपमा स्थान बनाउनका लागि मलेसियालाई भारी अन्तरले पराजित गर्नुपर्ने हुन्छ । अंक गणितीयमा मात्रै नेपालको विश्वकपमा स्थान बनाउने झिनो आशा रहेको छ । यसअघि सम्पन्न ४ खेलमा नेपालले ३ खेलमा जित र १ खेलमा हार ब्यहोरेको छ । पहिलो खेलमा आयोजक सिंगापुर र दोस्रो खेलमा मलेसियामाथि नेपालले शानदार जित हात पारेको थियो । तर, तेस्रो खेलमा भने नेपालले बलियो मानिएको अफगानिस्तानसँग १४१ रनको लज्जास्पद हार ब्यहोरेको थियो । त्यस्तै, चौथो खेलमा भने नेपालले पुनः आयोजक सिंगापुरमाथि २२ रनको जित हात पारेको थियो ।

नेपाली युवा यु–१९ टोलीका मुख्य प्रशिक्षक विनोद दासले विश्वकपमा पुग्नका लागि झिनो आशा जिवितै रहेको बताए । उनले भने, “धेरै कठिन तर हाम्रो लागि अवसर पनि छ । हामी ठूलो जितको खोजिमा हुनेछौं र राम्रो प्रदर्शन गर्नेछौं ।”

सन् २०१८ सालमा न्युजिल्याण्डमा हुने विश्वकपमा स्थान बनाउन अब नेपाललाई निकै कठिन भएको छ । नेपालका लागि भोलि सोमबार हुने खेल जितेर मात्रै पुग्दैन । अन्तिम खेल नेपालले मंगलबार अफगानिस्तानसँग प्रतिस्पर्धा गर्नेछ ।

जारी प्रतियोगितामा अफगानिस्तान अपराजित टोली हो । उसले ४ खेलमा शतप्रतिशत नतिजा निकाल्दै ८ अंक बटुलेको छ । नेट रनरेट पनि अफगानिस्तानको राम्रो भएकाले नेपालका लािग ठूलो चुनौती आइपरेको छ । अफगानिस्तानको नेट रनरेट ३.८४२ रहेको छ । त्यस्तै, ६ अंक जोडेको नेपालको भने ०.४५६ रहेको छ ।

नेपालको परम्परागत समस्या भनेको ब्याटिङ हो । ब्याटिङकै कारणले गर्दा अफगानिस्तानसँग नेपालले नमिठो हार चाखेको थियो । मुख्य प्रशिक्षक विनोद दासले अबको खेलमा टोलीमा केही परिवर्तन हुन सक्ने बताए ।

प्रतिक्रिया दिनुहोस
छिट्टै खेलमा फर्किन्छु : सन्दीप लामिछाने

    नेपाली राष्ट्रिय टीमका पूर्वकप्तान सन्दीप लामिछानेले अब छिटै खेलमा फर्किने बताएका

क्रिकेटर सन्दीप लामिछाने रिहा

    नेपाली क्रिकेट टीमका पूर्वकप्तान सन्दीप लामिछाने धरौटी बुझाएर रिहा भएको छन्

सन्दीप लामिछाने राष्ट्रिय टीममा फर्किने बाटो खुला

    क्रिकेटर सन्दीप लामिछानेको रिहाइ प्रक्रिया सुरूसँगै उनका वकिल सरोजकुमार घिमिरेले क्याप्टेनमा

विश्वकप २०२२ को उपाधि अर्जेन्टिनालाई

    साविक विजेता फ्रान्सलाई टाइब्रेकरमा पराजित गर्दै अर्जेन्टिनाले फिफा विश्वकप कतार २०२२