सामाजिक सुरक्षा भत्ता लिन दुई दिन



डडेल्धुराका वृद्धलाई सामाजिक सुरक्षा भत्ता लिनका लागि दुई दिनको यात्रा गर्नुपर्ने बाध्यता रहेको छ ।

नेपाल सरकारले सामाजिक सुरक्षा भत्ता बैंकमार्फत वितरण गर्न थालेपछि डडेल्धुराको परशुराम नगरपालिकाका वृद्धलाई सामाजिक सुरक्षा भत्ता लिनका लागि बैंकसम्म पुग्नका लागि दुई दिनको यात्रा गर्नुपरेको हो ।

डडेल्धुराको भित्री मधेश क्षेत्रको परशुराम नगरपालिकामा सामाजिक सुरक्षा भत्ता वितरण गर्ने जिम्मा परशुराम नगरपालिका लालढुंगामा रहेको ग्लोबल बैंकले पाएको छ । परशुराम नगरपालिकाका दुर्गम गाउँका वृद्धलाई सामाजिक सुरक्षा भत्ता लिनका लागि लालढुंगामा रहेको बैंकमा आउनु पर्ने बाध्यता रहेको छ ।

परशुराम नगरपालिकाको बसौटी, साँदनी, मलास, कुरमुल्ले, ग्वान्नीलगायतका दर्जनौँ गाउँका वृद्धलाई सामाजिक सुरक्षा भत्ता लिनका लागि दुई दिनसम्म लाग्ने गरेको छ ।

यातायातको पहुँच नभएका गाउँका वृद्ध पैदलै हिँडेर बैंकसम्म पुग्न बाध्य भएका छन् । बैंकसम्म पुगेपनि दिनभर लाइनमा बसेर सामाजिक सुरक्षा भत्ता लिन सास्ती हुने गरेको छ । सामाजिक सुरक्षा भत्ताबाट गाउँसम्म पुग्ने व्यवस्था गरिदिन वृद्धले आग्रहसमेत गरेका छन् ।

गाविस सचिवले सामाजिक सुरक्षा भत्तामा अनियमितता गरेको भन्दै नेपाल सरकारले बैंकमार्फत सामाजिक सुरक्षा भत्ता वितरण गर्ने भनेसँगै डडेल्धुरामा रहेका दुईवटा नगरपालिकाका वृद्धलाई सास्ती हुने गरेको छ । सामाजिक सुरक्षा भत्ताका लागि बैंकसम्म पुग्नै गाह्रो छ भने बैंकमा पुगेपछि पनि दिनभर लाइनमा उभिनुपर्ने बाध्यता छ ।

प्रतिक्रिया दिनुहोस
नेपाल खेलकुद महासङ्घको दोस्रो राष्ट्रिय महाधिवेशन फागुन ७ गतेदेखि ९ गतेसम्म

    नेकपा एमालेको जन वर्गीय संगठन नेपाल खेलकुद महासङ्घको दोस्रो राष्ट्रिय महाधिवेशन

गृह मन्त्रालयको अडान छाड्न रविलाई प्रधानमन्त्रीको आग्रह

    प्रधानमन्त्री पुष्पकमल दाहाल (प्रचण्ड)ले राष्ट्रिय स्वतन्त्र पार्टीका सभापति रवि लामिछानेलाई गृह

सन्दीप लामिछानेको निलम्बन फुकुवा हुने

    नेपाल क्रिकेट संघ (क्यान) को कार्यसमिति बैठक आज पोखरामा बस्दैछ ।

प्रधानमन्त्री प्रचण्ड र रवि लामिछानेबीच बालुवाटारमा भेटघाट

    रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।