स्थानीय अबरोधपछि ट्रिपर र एक्साभेटर प्रहरी नियन्त्रणमा



हेटौँडा । आफ्नो टोलको तटबन्धन निर्माणका लागि प्रयोग गर्नुपर्ने ठूला ढुंगा अन्यत्र लैजान लागिएको भन्दै हेटौँडा उपमहानगरपालिका १ जरुवाटोलका बासिन्दा आन्दोलित भएका छन् ।

सोमबार साँझ एक्साभेटरका प्रयोग गरी लोड गर्दै गरेको अबस्थामा दुईवटा ट्रिपरलाई स्थानीय युवा, महिला तथा टोल विकास संस्था एबम् क्लवका प्रतिनिधिहरुले अबरोध गरेका हुन् । अमर कन्ट्रक्सनले ती ढुंगा अन्यत्र लैजान लाग्दा स्थानीयले आफ्नै तटबन्धनका लागि चाहिने भन्दै कन्ट्रक्सन कम्पनीमाथि हस्तक्षेप गरेपछि विवाद भएको हो । विवादपछि प्रहरीले दुईवटै ट्रिपर र एक्साभेटरलाई नियन्त्रणमा लिएको छ । ढुवानी उपकरणहरु नियन्त्रणपछि विवाद मत्थर भएपनि कन्ट्रक्सनले आफ्नो क्षेत्रको ढुंगा अन्यत्र लैजान नपाउने भन्दै स्थानीयले खबरदारी गरेका छन् ।

नियन्त्रणमा लिइएको ट्रिपर र एक्साभेटरका बारेमा मंगलबार बिहान वडाअध्यक्ष समेत राखेर छलफल गरी निकास निकालिने मकवानपुरका प्रहरी नायव उपरिक्षक बामदेव गौतमले बताए । स्थानीय र अमर कन्ट्रक्सनको कुरा बाझिएकाले विवाद देखिएको उनले बताए ।

अमर कन्ट्रक्सनले केही महिनाअघि आईइइ गरेको क्षेत्रमा जिल्ला समन्वय समितिको अनुमतिबाट बगर उत्खनन् गरी ग्रेवल निकालेको थियो । सो क्रममा निस्केका ठूला ढुंगाहरुलाई स्थानीय जरुवाटोलको तटबन्धनमा प्रयोग गर्ने सहमति भएको बताइएको छ । तर जरुवाटोलमा तटबन्धनको काम सकिएकाले अन्यत्र लैजान खोजिएको कन्ट्रक्सनले दाबी गर्दै आएको छ ।

प्रतिक्रिया दिनुहोस
नेपाल खेलकुद महासङ्घको दोस्रो राष्ट्रिय महाधिवेशन फागुन ७ गतेदेखि ९ गतेसम्म

    नेकपा एमालेको जन वर्गीय संगठन नेपाल खेलकुद महासङ्घको दोस्रो राष्ट्रिय महाधिवेशन

गृह मन्त्रालयको अडान छाड्न रविलाई प्रधानमन्त्रीको आग्रह

    प्रधानमन्त्री पुष्पकमल दाहाल (प्रचण्ड)ले राष्ट्रिय स्वतन्त्र पार्टीका सभापति रवि लामिछानेलाई गृह

सन्दीप लामिछानेको निलम्बन फुकुवा हुने

    नेपाल क्रिकेट संघ (क्यान) को कार्यसमिति बैठक आज पोखरामा बस्दैछ ।

प्रधानमन्त्री प्रचण्ड र रवि लामिछानेबीच बालुवाटारमा भेटघाट

    रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।