अनेरास्ववियुद्वारा बाढीपीडितलाई सहयोग



नेकपा (एमाले) निकट अखिल नेपाल राष्ट्रिय स्वतन्त्र युनियन (अनेरास्ववियु) ले रामेछापस्थित लिखु गाउँपालिकाका–१ खिम्तिका बाढी प्रभावितलाई राहत सहयोग उपलब्ध गराएको जनाएको छ ।

संगठनले खाद्य सामग्री, ब्लाङ्केट, टेन्ट तथा प्राथमिक स्वास्थ्य उपचार सामग्रीलगायत संकलन गरी घटनास्थलमा पुगेर उनीहरुलाई सहयोग गरेको हो ।

पीडितलाई सहयोग उपलब्ध गराउने उद्देश्यले अनेरास्ववियुका अध्यक्ष नवीना लामाको नेतृत्वमा मङ्गगलबार त्यसतर्फ गएको एक टोली राहत बाँडेर सोही दिन साँझ काठमाडौँ फर्केको थियो ।

गत शनिबार गएको बाढीपहिरोबाट त्यस क्षेत्रका स्थानीयवासी प्रभावित भई दुःख कष्ट भोग्नुपरेको, खुल्ला आकाशमुनि सुत्नु परेको खबर आएपछि अनेरास्ववियुले पीडितलाई राहत वितरण गर्न विभिन्न स्रोत परिचालन गरी सामग्रीको व्यवस्थापन गरेको हो ।

अनेरास्ववियुका अध्यक्ष लामाले दैवी प्रकोपका कारण गाँस र बास गुमाउन बाध्य भएका नेपालीलाई मानवीय सहयोग उपलब्ध गराएको जनकारी दिनुभयो ।

मुलुकमा संविधान निर्माण, संविधान जारी तथा संविधान कार्यान्वयनमा रचनात्मक सहयोग गर्दै आएको संगठनले विद्यार्थी आन्दोलनका साथै महँगी नियन्त्रण, भ्रष्टाचार न्यूनीकरणका लागि विशेष दबाबमूलक कार्य गर्दै आएको छ ।

यसअघि सो संगठन तथा युवा संघलगायतले सप्तरीको तिलाठीको दैवी प्रकोपमा पनि राहत उपलब्ध गराएको अनेरास्ववियुका सचिव आरसी लामिछानेले बताउनुभयो ।

रामेछापमा भएको घटनामा पाँचजनाको मृत्यु तथा २५ घरपरिवार प्रभावित रहेको संगठनले जनाएको छ ।

प्रतिक्रिया दिनुहोस
नेपाल खेलकुद महासङ्घको दोस्रो राष्ट्रिय महाधिवेशन फागुन ७ गतेदेखि ९ गतेसम्म

    नेकपा एमालेको जन वर्गीय संगठन नेपाल खेलकुद महासङ्घको दोस्रो राष्ट्रिय महाधिवेशन

गृह मन्त्रालयको अडान छाड्न रविलाई प्रधानमन्त्रीको आग्रह

    प्रधानमन्त्री पुष्पकमल दाहाल (प्रचण्ड)ले राष्ट्रिय स्वतन्त्र पार्टीका सभापति रवि लामिछानेलाई गृह

सन्दीप लामिछानेको निलम्बन फुकुवा हुने

    नेपाल क्रिकेट संघ (क्यान) को कार्यसमिति बैठक आज पोखरामा बस्दैछ ।

प्रधानमन्त्री प्रचण्ड र रवि लामिछानेबीच बालुवाटारमा भेटघाट

    रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।