जलवायु परिवर्तनका कारण समुद्री सतह अझ बढ्नसक्ने वैज्ञानिकहरुको दावी



क्यानबेरा । जलवायु परिवर्तनको असरका बारेमा अनुसन्धान गरिरहेका बैज्ञानिकहरुले जलवायु परिवर्तनका कारण समुद्री सतहमा अझ बृद्धिहुने अनुमान गरेका छन् ।

आगामी १०० बर्षमा समुद्री सतहमा बृद्धि हुने र यो सबै मानिसका कारण पृथ्वीमा आएको तापमानका कारण हुने अनुमान उनीहरुको छ ।

जलवायु परिवर्तनका क्षेत्रमा कार्यरत विभिन्न देशका बैज्ञानिकहरुको अष्ट्रेलियामा जारी रहेको यससम्बन्धी सम्मेलनमा उनीहरुको सो धारणा आएको हो ।

उनीहरुले मानवीय स्वभाव, कार्यशैली र व्यावहारका कारण विश्वमा जलवायु परिवर्तनको मात्रामा बृद्धि हुदै गएको र आगामी कम्तीमा पनि १०० बर्षमा यो मात्रा खतरनाक रुपमा बढ्ने बताएका हुन् ।

अन्तरसरकारी वैज्ञानिक सम्मेलनमा सहभागी एकजना बैज्ञानिक डा.भ्यालेरी मासुन देलमेटोले बढ्दो मानवीय चापका साथै मानवीय व्यावहारले यो क्षेत्रमा ठूलो असर गर्ने बताउनुभएको हो ।

उहाँले पछिल्ला दशकमा जलवायु परिवर्तनको असर देखिएको र यसले प्रत्यक्ष रुपमा नै समुद्री सतहमा बृद्धि जारी रहेको पनि बताउनुभयो ।

विश्वका कतिपय समुद्रमा समुद्री सतहमा जमेको बरफका ढिक्काहरु पग्लिने क्रम सुरु भइसकेको र कतिपय अवस्थामा त्यो पग्लिँदै गएकोले सोही बरफको ढिक्काका कारण समुद्री सतहमा पनि बृद्धि भइरहेको देखिएको जनाएका छन् ।

ग्रिनल्याण्डमा बरफका ढिक्काहरु निरन्तर रुपमा पग्लिँदै गएका, ग्लासिएर तालहरु पग्लिएका र त्यसको मात्रामा पनि बृद्धि भइरहेकोले जलवायु परिवर्तनको प्रभाव प्रत्यक्ष रुपमा देखिने गरेको उहाँले बताउनुभयो ।

यसले समुद्री सतहको बृद्धिमा भूमिका खेलेको बैज्ञानिकहरुको भनाई छ । मानवीय कारणले नै विश्वव्यापी उष्णताको मात्रामा प्रतिबर्ष बृद्धि भइरहेको उनीहरुको भनाई छ ।

सन् २००७ देखि २०१० सम्म सिरियामा देखिएको खडेरी, ग्रिनल्याण्डमा बरफका ढिक्काहरु पग्निले क्रम र पृथ्वीका कुनै भूभागमा देखिएका अल्प एवम् अनाबृष्टिजस्ता असरहरु देखा परिरहेकोले जलवायु परिवर्तनको प्रभाव सही सावित पनि भएको धारणा उनीहरुको थियो ।

प्रतिक्रिया दिनुहोस
नास्टले माघ १० गते राष्ट्रिय नवप्रवर्तन सम्मेलन गर्ने

    नेपालमै पहिलो पटक राष्ट्रिय प्रवर्तन सम्मेलन आयोजना हुने भएको छ। नेपाल

चार्ल्स शोभराजलाई रिहा गर्न सर्वोच्चको आदेश

    बिकिनी किलरका नाममा परिचित चार्ल्स शोभराजलाई रिहा गर्न सर्वोच्च अदालतले आदेश

साउदीमा एक नेपालीलाई मृत्युदण्ड

    साउदी अरबमा एक नेपालीलाई मृत्युदण्ड दिइएको छ । साउदीमा १५ वर्षदेखि

श्वेता खड्कालाई पुत्रीलाभ

    अभिनेत्री श्वेता खड्कालाई पुत्रीलाभ भएको छ । मंगलबार अपरान्ह ग्रान्डी सिटी