भारतीय जनता पार्टीका हुसेन सीमाबाट पैदलै किन आए विराटनगर ?



काठमाडौं। भारतीय जनता पार्टीका केन्द्रीय प्रवक्ता शैयद सहनबाज हुसेन सीमावर्ती शहर जोगबनी र विराटनगर नाका हुँदै बिहिबार साँझ नेपाल प्रवेश गरेका छन् ।

आफ्ना समर्थक र कार्यकर्ताका माझ उनी पैदलै विराटनगर प्रवेश गरेका हुन् । आफू एक मित्रको गृहप्रवेशको निम्तो मान्न सीमावर्ती क्षेत्रमा आइपुगेकाले विराटनगरको भ्रमणमा आएको उनले जानकारी दिए ।उनले नेपालमा भएको स्थानीय तहको निर्वाचनले आफू प्रसन्न भएको प्रतिक्रिया व्यक्त गर्दै नेपाल शान्ति, स्थिरता र समृद्धिको मार्गमा गतिशील हुने अपेक्षा व्यक्त गरे ।

प्रवक्ता हुसेनको स्वागत र सम्मानमा शुक्रबार विराटनगरमा मोरङ व्यापार सङ्घले कार्यक्रम राखेको छ । कार्यक्रममा विराटनगरका लब्ध प्रतिष्ठितलाई निम्ता गरिएको छ ।हुसेनलार्इ स्वागत गर्न सङ्घका वरिष्ठ उपाध्यक्ष मुन्दडाको नेतृत्वमा उपाध्यक्ष सुशील जोशी, प्रवक्ता विकास बेगवानी र पूर्व उपाध्यक्ष देवकीनन्दन अग्रवाललगायतका व्यवसायी सीमा नाका पुगेका थिए ।

बिहिबार साँझ नै हुसैनलाई गोल्छा अर्गनाइजेसनको सञ्चालनमा रहेको रघुपति जुट मिलमा स्वागत गरिएको थियो । नेपाल जुट सङ्घका अध्यक्षसमेत रहेका रघुपति जुटका सञ्चालक राजकुमार गोल्छाको नेतृत्वमा त्यहाँ उपस्थित जुट उद्यमीले नेपालको जुट उद्योगका समस्या र भारत सरकारबाट सहजीकरणका गरिदिन आग्रह गरे। विहारको भागलपुरबाट भारतको लोकसभामा निर्वाचित हुसेन भारतीय जनता पार्टीभित्र हिन्दु र मुस्लिमका सेतुका रूपमा चिनिन्छन् ।

प्रतिक्रिया दिनुहोस
नेपाल खेलकुद महासङ्घको दोस्रो राष्ट्रिय महाधिवेशन फागुन ७ गतेदेखि ९ गतेसम्म

    नेकपा एमालेको जन वर्गीय संगठन नेपाल खेलकुद महासङ्घको दोस्रो राष्ट्रिय महाधिवेशन

गृह मन्त्रालयको अडान छाड्न रविलाई प्रधानमन्त्रीको आग्रह

    प्रधानमन्त्री पुष्पकमल दाहाल (प्रचण्ड)ले राष्ट्रिय स्वतन्त्र पार्टीका सभापति रवि लामिछानेलाई गृह

सन्दीप लामिछानेको निलम्बन फुकुवा हुने

    नेपाल क्रिकेट संघ (क्यान) को कार्यसमिति बैठक आज पोखरामा बस्दैछ ।

प्रधानमन्त्री प्रचण्ड र रवि लामिछानेबीच बालुवाटारमा भेटघाट

    रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् ।