सेनाको यस्तो खेल,जनता माथी कि राज्य माथी हो झाल्झेल ?



एक वर्षअघि मात्र सञ्चार मन्त्रालयले सेनालाई छुट्टै एफएम सञ्चालन गर्न फ्रिक्वेन्सी लाइसेन्स दिएको थियो । सेनाले दिपायलमा एफएम स्टेसन स्थापना गरी परीक्षण प्रसारण गर्दै आएको छ ।नेपाली सेनाले एफएम सञ्चालनको स्वीकृति पाएपछि यो विषय अहिले विवादमा परेको छ ।
राज्यका अन्य सञ्चारमाध्यमप्रति विश्वास नलागी सेनाले निजी एफएम खोल्न लागेको भन्दै नेपाली सेनाको आलोचना सुरु भएको छो । सञ्चार मन्त्रालयका प्रवक्ता रामचन्द्र ढकालले भने नेपाल प्रहरीलाई ‘मेट्र एफएम’ चलाउन दिएको शैलीमै नेपाली सेनालाई एफएम सञ्चालनको लाइसेन्स दिएको बताएका छन् ।

तर, नेपाली सेनाले पछिल्लो समय व्यावसायिकतालाई प्राथमिकता दिँदै आएकाले आमजनमानसमा चिन्ता उत्पन्न भएको छ । सार्क सदस्य राष्ट्र पाकिस्तानीको सेनाले बैंकिङ, चिनीमिल, रासायनिक मल जस्ता व्यवसायमा हात हालेको शैलीमा नेपाली सेना पनि त्यसतर्फ अघि बढेको बुझ्न सकिन्छ ।
पछिल्लो समय नेपाली सेनाले आफ्नो कल्याणकारी कोषमा जम्मा भएको ३७ अर्ब रुपैयाँबाट हाइड्रो, पेट्रोलपम्प, मिनिरल वाटर, मेडिकल कलेज सञ्चालन गर्दै आएको छ । यस्तै, विकासका कामको जिम्मा सरकारले नेपाली सेनालाई दिँदै आएको छ । मुलुकका ठूल्ठूला सडकको ट्रयाक खोल्ने जिम्मा नेपाली सेनाले नै पाउँदै आएको छ । हालै सरकारले काठमाडौं–निजगढ फास्ट ट्रयाक निर्माणको जिम्मा दिएको छ ।
अब सञ्चारमाध्यम पनि सञ्चालन गर्न दिने निर्णयसँगै नागरिकको सर्वोच्चता गुम्ने खतरा उत्पन्न भएको भन्दै नेपाली सेना विवादमा तानिएको हो ।

सैनिक स्रोतले भने नेपाल प्रहरीले ट्राफिक गतिविधिबारे जानकारी दिन मेट्रो एफएम चलाए जस्तै आफ्ना दैनिक गतिविधिबारे जनतालाई सूचना दिन एफएम सञ्चालन गर्न लागेको जनाएको छ । सेनाले शान्ति, दैवीप्रकोप र उद्धारलगायतका घटनाबारे जानकारी दिन एफएम सञ्चालन गर्न लागेको जनाएको छ ।
विगत लामो समयदेखि नेपाली सेनाले रेडियो नेपालमा हरेक साता एक दिा १५ मिनेटको रेडियो नेपालमा ‘सैनिक कार्यक्रम’ चलाउँदै आएको थियो । यस्तै, नेपाल टेलिभिजनमा समय किनेर नेपाली सेनाले एउटा कार्यक्रम चलाउने गरेको थियो ।

 

प्रतिक्रिया दिनुहोस
मलाई थप सरकार चलाउनु छैन, संसद विघटन हुन्छ : प्रधानमन्त्री ओली

  प्रधानमन्त्री केपी शर्मा ओलीले आफूलाई सरकार चलाउन मन नलागेकाले विश्वासका मत नलिएको

प्रधानमन्त्री ओलीले भोलि धरहराको उद्घाटन गर्ने

  २०७२ सालको बिनाशाकारी भूकम्पले ढालेको धरहरा उठेको छ अर्थात धरहराको पुनर्निर्माण सम्पन्न

प्रधानमन्त्री ओलीलाई तीनतिरको तनाव

  संघीयतामा प्रदेश बलियो भएर तिनले आफ्नो भाग्य र भविष्यको फैसला गर्न पाउनुपर्ने

कांग्रेस सांसदले गरे प्रदेशसभा तोडफोड

  प्रदेश ५ को प्रदेशसभामा नेपाली कांग्रेसका सांसदको विरोधका बीच प्रदेशसभा बैठकलाई निरन्तरता