उपेन्द्र यादवको पार्टीले भन्यो – संबिधान संशोधन फेल हुन्छ,पुनर्लेखन गर्नुपर्छ



संघीय समाजवादी फोरमले अहिलेको संविधान संशोधन प्रस्तावले तराई–मधेसको समस्या समाधान नहुने भन्दै संघीय समाजवादीले विधेयक परिमार्जन गरी संविधान संशोधन एवं पुनर्लेखन गरिनु पर्दछ, भनेको छ ।अहिलेको संविधान संशोधन प्रस्तावलाई परिमार्जन गरेर मात्रै संसदमा छलफल गराउनु पर्ने निष्कर्ष निकालेको हो ।
पार्टी केन्द्रीय कार्यालय तीनकुनेमा बसेको पदाधिकारी बैठकले संविधान संशोधनका सम्बन्धमा यस्तो निर्णय गरेको हो ।

संघीय समाजवादीका प्रमुख सचेतक डा. शिवजी यादवले सुरुमा उठेका मुद्दाहरु आन्दोलनरत पक्ष र सरकारी पक्षबाट कमजोर पारिएकाले जस्ताको त्यस्तै संशोधन विधेयकमाथि छलफल गराउनुको अर्थ नरहेको बताए ।

उनले भने, ‘राजपालाई चुनावमा सहभागि गराउन र मतदानमा मात्रै लैजान संविधान संशोधन गर्न लागिएको छ । यसरी समस्या समाधान हुँदैन । समस्या जहाँको त्यही हुनेछ । राजपा चुनावमा मात्रै सहभागि भएको सिद्ध हुने छ ।’ यसले उपलब्धि हुँदैन ।

यस्तै, डा. यादवले अर्को खतराको संकेत समेत गरेका छन् । उनले भने, ‘अंक गणितमा मात्रै ध्यान दिइएको छ । सवैलाई मान्य हुनेगरी संशोधन विधेयक ल्याइएको छैन । पास वा फेल भनेर निर्णयार्थ पेश भएको खण्डमा यो संशोधन फेल हुन्छ ।’
संसदीय इतिहासमा सांसद लुकाउने र किन्ने घटना भएका उदाहरण छन्, ‘अहिले पनि सबैलाई मान्य हुने गरी संविधान संशोधन विधेयक परिमार्जन गर्नै पर्छ ।

नभए फेल गराउने वातावरण बन्दै गएको देखिन्छ ।’ भोलि हामीले भने जस्तो भएन भनिएला । फेरि संशोधन गरौँ भन्ने आवाज उठ्ला, डा. यादवले थपे, ‘यसरी अघि बढ्ने हो भने जहिल्यै संविधान संशोधनकै झमेला आइलाग्ने अवस्था आउने छ । जसलाई चित्त बुझेन उसले अड्को थाप्न सक्ने भए ।’ त्यसैले सोच विचार र छलफल गरेर मात्रै संशोधन अघि बढाइनु पर्दछ भनेका हौँ, उनले भनेका छन् ।

 

प्रतिक्रिया दिनुहोस
वामदेव गौतम नेकपा एसमा जाने तयारी

    नेकपा एकीकृत समाजवादी पार्टीले घनश्याम भुसाललाई महासचिव बनाउनेगरी छलफल अघि बढाएको

प्रधानमन्त्री प्रचण्ड र ओलीबीच बालुवाटारमा भेटवार्ता

    प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी ओलीबीच भेटवार्ता

वागमतीमा ११ सदस्यीय मन्त्रिपरिषद्, कसलाई कुन मन्त्रालय ? (सूचीसहित)

    वागमती प्रदेशका मुख्यमन्त्री शालिकराम जम्कट्टेलले मन्त्रिपरिषद् विस्तार गरेका छन् । नवनियुक्त

गृहमन्त्री रवि लामिछानेको नागरिकता विवादमा आजबाट सुनुवाइ हुँदै

    उपप्रधानमन्त्री तथा गृहमन्त्री रवि लामिछानेको नागरिकता विवादमा आजबाट सुनुवाइ हुँदैछ ।