एनप्याब्सनद्धारा छ सय पाँच विद्यार्थी सम्मानित



काठमाण्डौं । राष्ट्रिय निजी तथा आवासीय विद्यालय एसोसियसन नेपाल (एनप्याब्सन) भक्तपुरले ६०५ विद्यार्थीलाई सम्मान गरेको छ ।

एनप्याब्सन भक्तपुरले आइतबार आयोजना गरेको माध्यमिक शिक्षा परीक्षा(एसईई) उत्तीर्ण विद्यार्थीलाई गरेको बधाई कार्यक्रमको अवसरमा भक्तपुरका विभिन्न विद्यालयमा अध्ययनरत ६०५ विद्यार्थीलाई सम्मान गरिएको हो । एनप्याब्सन भक्तपुरले २०७२ र ०७३ सालमा एसईई परीक्षा उत्तीर्ण भई उत्कृष्ट नतिजा ल्याउन सफल विद्यार्थी सम्मानित भएका हुन् ।

एनप्याब्सनका अध्यक्ष कर्णबहादुर शाहीले विद्यार्थीलाई सम्मानित गर्दै सधैँ सही मार्गमा हिँड्न आग्रह गर्नुभयो । जीवी खड्काको सभापतित्वमा सम्पन्न उक्त कार्यक्रममा एसईई परीक्षाअन्तर्गत २०७२ साल उत्कृष्ट नतिजा ल्याउन सफल डेमोस स्कुलबाट छात्रतर्फ हिमाल थिङ र छात्रातर्फ पारागण एकेडेमीका सुस्मिता तामाङ र विपना ओझा खत्री सम्मानित हुनुभएको थियो ।

त्यसैगरी ०७३ मा उत्कृष्ट नतिजा ल्याउन सफल छात्रतर्फ पारगण एकेडेमीका प्रविण थापामगर र छात्रातर्फ विमल मेमोरियल स्कुलका अनुजा राउत सम्मानित हुनुभएको थियो । एसईई परीक्षामा ३ दशमलव २ जिपिएभन्दा माथि ल्याएका विद्यार्थीलाई पनि सम्मान गरिएको थियो ।

कार्यक्रममा एनप्याब्सन भक्तपुरका सल्लाहकार राजेन्द्र कोजू, एमनेस्टी इन्टरनेसनलका विक्रम ढुकुछु, संस्थागत विद्यालय सङ्घ नेपाल भक्तपुरका अध्यक्ष पुरुषोत्तम ग्वाछा, मोर्डन माविका प्रअ अनिल कसपाललगायतले विद्यार्थीका लागि मार्गनिर्देशनको आवश्यकता औँल्याउँदै विद्यार्थी समयमै सचेत नहुँदा जीवनभर पछुताउनुपर्ने विचार व्यक्त गर्नुभयो ।

प्रतिक्रिया दिनुहोस
मलेसियाका गृहमन्त्री इस्माइल नेपाल आँउदै

    मलेसियाका गृहमन्त्री सैफुद्दिन नासुसन इस्माइल बिहीबार नेपाल आउने भएका छन्। गृहमन्त्री

फ्रान्सेली नागरिक चार्ल्स शोभराज आजै  स्वदेश फर्कने

    सर्वोच्च अदालतकाे आदेशपछि  कैदमुक्त भएका फ्रान्सेली नागरिक चार्ल्स शोभराज आजै  स्वदेश

चार्ल्स शोभराजलाई देश निकालाको तयारी

    सर्वोच्च अदालतको आदेशपछि जेलमुक्त हुन लागेका कुख्यात अपराधी चार्ल्स शोभराजलाई मुलुकबाट

चार्ल्स शोभराजलाई रिहा गर्न सर्वोच्चको आदेश

    बिकिनी किलरका नाममा परिचित चार्ल्स शोभराजलाई रिहा गर्न सर्वोच्च अदालतले आदेश