निःशुल्क काठ पाउने भ्रममा ३० हजार आवेदन



बनेपा । काभ्रेपलाञ्चोकमा भूकम्पपीडितले घर बनाउन भन्दै ३० हजार भूकम्प पीडितले जिल्ला वन कार्यालय आवेदन दिएका छन् ।

सालको काठ निःशुल्क पाउने भ्रममा ३० हजार आवेदन कार्यालयमा चाङ लागेको र अन्य थप निवेदन पनि दर्ता हुने क्रममा रहेको जिल्ला वन कार्यालयका अधिकृत प्रेम खनालले जानकारी दिनुभयो ।

निःशुल्क सालको काठ पाउने भन्ने भ्रममा भूकम्पपीडित छन् तर उनीहरुले निःशुल्क नपाउने उहाँले जानकारी दिनुभयो ।

भूकम्पपीडितका लागि काभ्रेपलाञ्चोकमा १० हजार क्युफिट काठ आवश्यक भएकाले वन विभागलाई पत्राचार भएको जानकारी दिँदै वन अधिकृत खनालले दसैँ आसपासमा ती काठ तराईका जिल्लाबाट पैठारी गरेर वितरण गरिने बताउनुभयो ।

घर बनाएको नक्सा पास, लालपुर्जा, तिरो तिरेको रसिद, वास्तविक भूकम्पपीडित भएको परिचयपत्र र सामुदायिक वनको सिफारिस पत्रलगायतका कागजात माग गरेका छौँ, छानबिन गरेर वितरण गर्छौं – उहाँले भन्नुभयो । सालको काठ काठमाडौँमा प्रतिक्युफिट रु छ हजार ५०० पर्छ तर बजार मूल्यभन्दा सस्तोमा उपभोक्तालाई काठ वितरण हुन्छ ।

यसैबीच जिल्ला वन कार्यालयले धोबीखोला सामुदायिक वनमा रहेको धुलिखेल हाई रिसोर्ट र गौखुरेश्वर सामुदायिक वनमा रहेको हजार सिढी रेस्टुरेन्टले वन अतिक्रमण गरेको भन्दै हटाएको छ ।

त्यस्तै नगरकोटमा पनि भएको वन अतिक्रमण हटाउन भक्तपुर र काभ्रेपलाञ्चोकको समन्वय बैठक राख्ने तयारी भएको अधिकृत खनालले जानकारी दिनुभयो ।

प्रतिक्रिया दिनुहोस
एमाले कार्यकर्ता राष्ट्रपति भए हामी हराएरै छाड्छौं : गगन

    नेपाली कांग्रेसका महामन्त्री गगन थापाले राष्ट्रपतिमा एमालेले उठाएको उम्मेदवारलाई हराउन लाग्ने

विचार मिल्नेसँग पार्टी एकता गर्ने : विप्लव

    नेत्रविक्रम चन्द विप्लव नेतृत्वको नेपाल कम्युनिष्ट पार्टीले वैज्ञानिक समाजवादी सत्ताका लागि

ओली र प्रचण्डबीच बालकोटमा भेटवार्ता

    प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच

नेप्से ७६.६५ अंकले वृद्धि, कारोबार रकम पनि बढ्यो

    साताको तेस्रो कारोबार दिन मंगलबार सेयर बजार परिसूचक नेप्से ३.६५ प्रतिशतले