ठुला पार्टीका अध्यक्षकै जिल्लामा लफडा,आठ स्थानको मतगणना अझै सुरु भएन



पहिलो चरणको निर्वाचनमा जस्तै मतगणना अवरोध गर्ने कार्यले दोश्रो चरणमा पनि निरन्तरता पाएको छ। झापाको दमक नगरपालिकामा मतगणनाका क्रममा भएको विवाद मतगणना स्थगीतसम्म पुगेको छ। जुन एमाले अध्यक्ष केपी शर्मा ओलीको गृहजिल्ला पनि हो,त्यति मात्र होइन ओली त्यहि क्षेत्र बाट निर्वाचित भएका हुन्।पहिलो चरणको चुनाबको मत गन्दाको चितवनको लफडा अदालत सम्म पुगेको छ,त्यो माओबादी अध्यक्ष प्रचण्डको जिल्ला हो ।

दमकमा एमाले बाहेकका राजनीतिक दलहरुले मतगणना बहिष्कार गरेका छन्। बहिष्कार गर्नेहरुले मतगणनामा खटिएका गणकहरु आफु अनुकुल उमेदवारलाई जिताउन लागिपरेको आरोप लगाएका छन्।
उनीहरुले विरोधका क्रममा निर्वाचन आयोगका अधिकारीविरुद्ध नाराबाजीसमेत गरेका थिए। उनीहरुले पत्रकार र उमेदवारलाई मतगणनास्थलको वरिपरीसमेत जान नदिनु शंकास्पद भएको बताएका छन्।
विवादको शुरुवात भने निर्वाचन अधिकृतले वडा नम्बर १ को वडाध्यक्षको मत बराबरी आएको जानकारी दिएपछि भएको थियो। राप्रपा समर्थकले आफ्नो उमेदवार तारा अधिकारी विजयी भएको दावी गरेका छन्। अवस्था तनावपूर्ण हुने भएपछि अहिले मतगणनास्थल वरपर व्यापक मात्रामा प्रहरी परिचालन गरिएको छ।

उता बझाङको सुर्मा गाउँपालिका—२ को मतगणना स्थगीत भएको छ। मतपत्रमा स्वस्तिक छाप दुईपटक लागेको र छापको घेरा नदेखिएको भन्दै बिहिवारदेखि जारी विवादका कारण मतगणना रोकिएको हो।

यस्तै, जयपृथ्वी नगरपालिका—५ मा विहिवार बेलुका एमाले कार्यकर्ताले कांग्रेस कार्यकर्तामाथि हातपात गरेका थिए। कांग्रेस कार्यकर्ताले ज्यान मार्ने धम्की दिएको भन्दै एमाले कार्यकर्ताले आक्रमण गरेका हुन्। आक्रमणका कारण दुवै पक्षका ३, ३ जना घाइते भएका छन्। घाइतेमध्ये एकको अवस्था गम्भीर छ। घाइतेलाई उपचारका लागि सदरमुकाम चैनपुरको लगिथएको छ।

अछामको साँफेबगर र चौरपाटीमा अझै विवाद, रामारोशनमा झडप

अछामको साँफेबगर नगरपालिका र चौरपाटी गाउँपालिकामा अझै मतगणना शुरु हुन सकेको छैन। कांग्रेस—माओवादी गठबन्धन र एमाले बिचको विवादका कारण मतगणना शुरु हुन नसकेको हो। मतदानकै दिनबाट यी दुई स्थानमा विवाद देखा परेको थियो।

कांग्रेस–माओवादी गठबन्धनले एमालेले बुथ कब्जा गरेको आरोप लगाउँदै पुनः मतदानको माग गरिरहेको छ। उता एमालेले भने साँफेबगर नगरपालिकाको रिडिकोटमा नेपाली कांग्रेसले नै बुथ कब्जा गरेको बताइरहेको छ।
शुक्रबार दिउँसो अछामकै रामारोशन गाउँपालिकामा माओवादी केन्द्र र एमाले कार्यकर्ताबिच झडप भएको छ। झडपमा परी तीनजना घाइते भएका छन्। घाइतेमध्ये एकको अवस्था गम्भीर रहेको छ। घाइतेहरुलाई उपचारका लागि हेलिकप्टरबाट नेपालगञ्ज ल्याइएको छ। माओवादी केन्द्रले रामारोशन—१ मलातिकोटमा वडा अध्यक्षसहित प्यानलै विजयी भएपछि एमाले कार्यकर्ताले ढुंगामुढा गरेको आरोप लगाएको छ।
यस्तै, जिल्लाको छबिसपाथिभेरा गाउँपालिकामा पनि माओवादी र एमाले कार्यकर्ताबीच झडप भएको छ। झडपमा परी ५ जना घाइते भएका छन्।

१४ गते सम्पन्न चुनाबको नतिजा धेरै तिर बाट आउने क्रम सुरु भएको छ तर निर्वाचन आयेगले दिएको जानकारी अनुसार ताप्लेजुङ, सोलखुम्बु, गुल्मी, दाङ, कैलाली, बझाङको १/१ तह र अछामको २ तह गरी ८ स्थानीय तहमा मत गणना कार्य अझै सुरु हुन सकेको छैन ।
ताप्लेजुङको एक स्थानमा मतपेटिका आउन बाँकी रहेको र अन्य जिल्लामा राजनीतिक सहमति हुने प्रक्रियामा रहेकोले मतगणनामा ढिलाई भएको निर्वाचन आयोगले जानकारी दिएको छ । चीनसंग सिमा जोडिएको ठाउँ बाट मतपेटिका ल्याउदा ताप्लेजुंगमा ढिलो भएको हो।

प्रतिक्रिया दिनुहोस
सत्यमोहनको निधनमा सरकारले एक दिन सार्वजनिक विदा दिने

    शताब्दी पुरुष सत्यमोहन जोशीको निधनमा शोक व्यक्त गर्दै सरकारले सार्वजनिक विदा

मलाई थप सरकार चलाउनु छैन, संसद विघटन हुन्छ : प्रधानमन्त्री ओली

  प्रधानमन्त्री केपी शर्मा ओलीले आफूलाई सरकार चलाउन मन नलागेकाले विश्वासका मत नलिएको

प्रधानमन्त्री ओलीले भोलि धरहराको उद्घाटन गर्ने

  २०७२ सालको बिनाशाकारी भूकम्पले ढालेको धरहरा उठेको छ अर्थात धरहराको पुनर्निर्माण सम्पन्न

प्रधानमन्त्री ओलीलाई तीनतिरको तनाव

  संघीयतामा प्रदेश बलियो भएर तिनले आफ्नो भाग्य र भविष्यको फैसला गर्न पाउनुपर्ने