को बन्लान् १० महिनापछि प्रहरीका आइजी, खरेल, खनाल र कार्कीको मुसादौड सुरु



काठमाडौँ । नेताको लगौँटी समातेका भरमा प्रहरी महानिरीक्षक (आइजीपी) हुन नसकिने पुष्टि भएपछि भविष्यमा ‘जयबहादुर चन्द साब’ कै हविगत बेहोर्नुपर्ला भनेर तीन वरिष्ठ उपरीक्षक (एसएसपी)ले भावी आइजीपी बन्न १० महिनाअघि नै खेलोमेलो सुरु गरेको पाइएको छ । एसएसपी रमेश खरेल, सर्वेन्द्र खनाल र पुष्कर कार्कीले भावी आइजीपी बन्न लिगलिगे दौड सुरु गरेको खुलासा भएको हो ।

अदालतमा मुद्दा विचारधीन रहेकाले आइजीपी प्रकाश अर्यालकै पद धरापमै रहेका बेला खरेल, खनाल र कार्की आफ्ना पक्षमा माहौल बनाउन क्रियाशील भएका छन् । डिआइजी नवराज सिलवाललाई तत्कालीन प्रधानमन्त्री पुष्पकमल दाहाल र काँग्रेस सभापति शेरबहादुर देउवाले आइजीपी हुन रोकेका थिए भने उनीहरुले बनाएका आइजीपी जयबहादुर चन्दलाई अदालतले रोकेको थियो । दुवै अहिले डिआइजीकै हैसियतमा छन् । तीन एसएसपी भने प्रधानमन्त्री देउवा, माओवादी केन्द्र अध्यक्ष प्रचण्ड, गृहमन्त्री जनार्दन शर्मा र आइजीपी अर्याललाई खुशी पार्न गुपचुप दौडधूपमा लागेका छन् ।

एसएसपी बढुवामा खरेल, खनाल, राजेन्द्रमान श्रेष्ठ पहिलो, दोश्रो र तेस्रो नम्बरमा थिए । उनीहरु बढुवा भएको दुई महिनापछि बढुवा भएका कार्की एसएसपी श्रेष्ठ बिरामी परेपछि ‘मौकामा हीरा फोर्ने’ भन्दै खरेल र खनाललाई उछिन्दै आइजीपी बन्न दौडिएका हुन् । गर्लफ्रेन्डसँग बसेका आफ्नै साथी मारेको आरोप लाग्दा पनि पनि छोरालाई कारबाहीको दायरामा नल्याउने पूर्व आइजीपी उपेन्द्रकान्त अर्याल पनि तीन नम्बरका कार्कीलाई आइजीपी बनाउने खेलोमेलोमा लागेको स्रोतहरुको दाबी छ । आइजीपी प्रकाश अर्याल र आइजीपी हुन नपाई एआइजीमै घर थन्किएका तथा राजाको शासनको स्वागत गर्ने उद्योगी चण्डिराज ढकालका भाइ नवराज ढकाल पनि कार्कीका पक्षमा देखिएको पाइएको छ । खनाल र खरेलको कामले छायाँमा परेका कार्कीलाई न्याय दिलाउन ठूलै शक्तिकेन्द्र लागेको पाइएको छ ।

१० महिनापछि खरेल र खनालमध्ये एक आइजीपी हुने सम्भावनामा कार्कीको तराजु पनि पल्लाभारी हुँदै गएको प्रहरी संगठनभित्र चर्चा छ । दुई वर्षदेखि विदेशमा रहेका कार्कीलाई आइजीपी बनाउन योजना अनुसार नै राष्ट्रपतिबाट पदक समेत दिलाउने काम भएको प्रहरी संगठनमै चर्चा छदैँछ । बढुवामा पदकको समेत नम्बर जोडिने हुँदा इतिहासमै विदेशमा हुँदा कसैले नपाउने पदक कार्कीका लागि बाँडेर साथीहरुको लडाइँमा आइजीपी चिठ्ठा परेका प्रकाश अर्यालले पनि संगठनमा बेथिति भित्र्याएका छन् ।

यता, प्रचण्ड सरकारका केही घण्टाका आइजीपी जयबहादुर चन्द एआइजीमा बढुवासमेत हुन सकेका छैनन् । उनलाई एआइजी बनाउनासाथ आइजीपी अर्यालकै कुर्सी धरापमा पर्ने डरले अर्याल पनि एआइजी बढुवा भन्दा तलतिरका बढुवामा लागिपरेको र सकभर कार्कीलाई फाइदा पुग्ने काममा लागेकाले प्रहरीमा अर्को नवराज सिलवाल जन्मने खतरा बढेको पाइएको छ ।

प्रतिक्रिया दिनुहोस
एमाले कार्यकर्ता राष्ट्रपति भए हामी हराएरै छाड्छौं : गगन

    नेपाली कांग्रेसका महामन्त्री गगन थापाले राष्ट्रपतिमा एमालेले उठाएको उम्मेदवारलाई हराउन लाग्ने

विचार मिल्नेसँग पार्टी एकता गर्ने : विप्लव

    नेत्रविक्रम चन्द विप्लव नेतृत्वको नेपाल कम्युनिष्ट पार्टीले वैज्ञानिक समाजवादी सत्ताका लागि

ओली र प्रचण्डबीच बालकोटमा भेटवार्ता

    प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच

नेपाल सरकारले सूचना प्रविधिको क्षेत्रमा लगानी गर्छ : सञ्चारमन्त्री शर्मा

    सञ्चार तथा सूचना प्रविधिमन्त्री रेखा शर्माले सरकारी डेटा सेन्टरहरुको मुख्य साँचो