अवैध असुलीका लागि अवरोध



भैरहवा । नेपालका लागि सामान लिएर आएका दर्जनौं भारतीय मालबाहक गाडी साताभन्दा बढी समय भारतीय मार्गमा अलपत्र रोकिने गरेका छन् । अवैध रुपमा असुली गर्नका लागि उनीहरुले गाडी त्यसरी रोक्ने गरेका हुन ।

भारतको दिल्ली, राजस्थान, पन्जाब, गुजरात, महाराष्ट्रलगायतका स्थानबाट नेपालका लागि औद्योगिक र व्यापारिक सामान लिएर आएका गाडी रोक्ने गरिएको हो ।

भारतीय प्रहरीको यो व्यवहारले नेपालको भन्सार राजस्व प्रभावित हुनुको साथै समयमै आयातित वस्तु ढुवानी हुन नसक्दा नेपाली आयातकर्ता र व्यवसायी समस्यामा परेका छन् । अवैध असुलीले ढुवानी भाडा दर र गाडी मजदुरको खर्च बढ्ने हु“दा नेपालमा आयातित समानको लागत बढेर मूल्य वृद्धि हुने समेत गरेको छ ।

भैरहवा भन्सार क्लियरिङ एजेन्ट संघका अध्यक्ष कृष्णप्रसाद घिमिरेले कोतवाली थानाका भारतीय पुलिसले नेपाल आएका मालबाहक गाडीसँग पैसा असुल्न थालेपछि नेपाली आयातकर्ता समस्यामा पर्न जनाएका छन् । पार्किङस्थलसमेत नभएको सुनौली भन्सार कार्यालयमा भन्सार प्रक्रिया पूरा गर्न सडकमै गाडी रोकिँदा व्यस्त सुनौली बजारको मूलसडक गाडीको लाइनले जाम हुने गर्छ ।

त्यहाँ कोतवाली थानामा पैसा दिने गाडी आफ्नोभन्दा पछाडि लाइनमा भएर पनि सबैलाई उछिनेर जान पुलिसले दिने गरेको र पैसा नदिनेलाई लाइनभन्दा अलिकता मात्रै सडकतर्फ गाडीको मुख टेढो भएमा पनि पुलिसले लाठीले प्रहार गर्ने गरेको चालकहरूको गुनासो रहेको छ । उनीहरूका अनुसार, कोतवाली थानामा प्रतिगाडी १ हजारदेखि ४ हजार भारुसम्म गाडी र आयातित सामानको अवस्था हेरेर असुली हुने गरेको छ ।

सामान आयात गरेको गाडी बाटोमा रोकिँदा प्रतिदिन १ हजारदेखि २ हजार ५ सय भारु आयातकर्ताले गाडीवालालाई विलम्ब शुल्क ९डिटेन्सन शुल्क० तिर्नुपर्ने हुन्छ । भारतीय नाकाबन्दी र मधेस आन्दोलनको बेलादेखि कोतवाली थानाले नेपाल आउने गाडीसँग अवैध असुलीको गर्न थालेको गाडी चालकहरुको भनाई रहेको छ । कहिले अवरोध नगर्ने कहिले मौका छोपेर असुलीका लागि अवरोध गर्ने क्रम चल्दै आएको छ ।

 

 

प्रतिक्रिया दिनुहोस
एमाले कार्यकर्ता राष्ट्रपति भए हामी हराएरै छाड्छौं : गगन

    नेपाली कांग्रेसका महामन्त्री गगन थापाले राष्ट्रपतिमा एमालेले उठाएको उम्मेदवारलाई हराउन लाग्ने

विचार मिल्नेसँग पार्टी एकता गर्ने : विप्लव

    नेत्रविक्रम चन्द विप्लव नेतृत्वको नेपाल कम्युनिष्ट पार्टीले वैज्ञानिक समाजवादी सत्ताका लागि

ओली र प्रचण्डबीच बालकोटमा भेटवार्ता

    प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच

नेप्से ७६.६५ अंकले वृद्धि, कारोबार रकम पनि बढ्यो

    साताको तेस्रो कारोबार दिन मंगलबार सेयर बजार परिसूचक नेप्से ३.६५ प्रतिशतले