भीम रावल र रमेश लेखक बीच चर्काचर्की



महेन्द्रनगर । स्थानीय तह निर्वाचनको मिति नजिकिँदै गर्दा महाकाली नदीमाथि बन्ने पुलको विषयमा नेकपा एमालेका उपाध्यक्ष भीम रावल र कांग्रेस केन्द्रीय सदस्य रमेश लेखकबीच वाकयुद्ध शुरु भएको छ ।

केही दिनअघि दोधाराचाँदनीमा आयोजित चुनावी सभामा एमाले उपाध्यक्ष भीम रावलले महाकाली नदीको पुल एमालेले निर्माण गरेको बताएका थिए । त्यहि विषयलाई लिएर मन्त्री रमेश लेखकले उपाध्यक्ष रावलको उछितो काढ्न थालेका छन् । भीमदत्त नगरपालिका–१२ ऐरी चौराहमा बिहीबार आयोजित चुनावी सभालाई सम्बोधन गर्दै नेता लेखकले झुठ बोलेर एमालेले जनतालाई झुक्याइरहेको आरोप लगाएका हुन् ।

‘भीम रावलले दोधारामा स्कूले विद्यार्थी जम्मा गरेर महाकालीको पुल आफूहरूले बनाएको भन्नु भएछ,’ लेखकले भने, ‘काठमाडौं फर्किएपछि उहाँसँग तपाई कहिले सडक र पुल बनाउने मन्त्री हुनुभयो रु स्मरण गराई दिनुस् त भन्छु ।’
नेता लेखकले आफू भौतिक पूर्वाधार तथा यातायातमन्त्री हुँदा पुल निर्माणका लागि १ करोड रुपैयाँ विनियोजनसँगै पूल निर्माणको प्रक्रिया अघि बढेकोे बताएका छन् ।

साउन महिनाभित्रै पुल निर्माणका लागि ठेकेदार कम्पनी तय हुने र आगामी कात्तिक महिनाभित्रै शिलान्यास गरिने लेखकले दाबी गरे । ‘३ वर्षभित्रै पुल निर्माण सम्पन्न होस् भनेर रातो किताबमा १ करोड विनियोजन भएको छ,’ लेखकले भने ।

 

प्रतिक्रिया दिनुहोस
गृह मन्त्रालयको अडान छाड्न रविलाई प्रधानमन्त्रीको आग्रह

    प्रधानमन्त्री पुष्पकमल दाहाल (प्रचण्ड)ले राष्ट्रिय स्वतन्त्र पार्टीका सभापति रवि लामिछानेलाई गृह

प्रधानमन्त्री प्रचण्ड र रवि लामिछानेबीच बालुवाटारमा भेटघाट

    रवि लामिछाने प्रधानमन्त्री पुष्पकमल दाहाल प्रचण्डलाई भेट्न बालुवाटार पुगेका छन् । 

प्रचण्डसँग एमाले सशंकित, गठबन्धनभित्र खटपट

    सत्ता सहकार्य थालेको एक महिनामै प्रधानमन्त्री पुष्पकमल दाहाल प्रचण्ड र एमाले

फागुन २५ मा राष्ट्रपति र चैत ३ मा उपराष्ट्रपतिको निर्वाचन

    निर्वाचन आयोगले राष्ट्रपति र उपराष्ट्रपतिको निर्वाचनको मिति तय गरेको छ ।