जहाज किन्न निगमले ८ अर्ब जर्मनी पठायो



काठमाडौ । नेपाल एयरलाइन्सलाई दुई ठूला जहाज किन्नकालागि शुक्रबार पहिलो किस्ताबापत ७९ मिलियर डलर ८ अर्ब १३ करोड ७० लाख रुपैयाँ पठाइएको छ ।

निगमका प्रवक्ता रविन्द्र श्रेष्ठका अनुसार यो रकम काठमाडौंस्थित नेपाल इन्भेष्टमेन्ट बैंकमार्फत जर्मनीमा रहेको एजेन्ट नर्टन रोज फुलब्राइटको खातामा पठाइएको हो । नर्टन रोजको नाममा मध्यस्थ खाता स्क्रु एकाउन्ट खोलिएको छ । निगमलाई जहाज उपलब्ध गराउने हाइफ्लाईले आफ्ना दुई सहएजेन्टसमेतको प्रतिनिधित्व हुने गरी जर्मनीमा खोलेको यो खातामा रकम पुगेपछी निगम र हाईफ्लाईको सहमतिमा जहाज निर्माता कम्पनी एयरबसको खातामा रकम जाने छ ।

ध्वजावाहक निगमले गत फागुन ४ मा कमिटमेन्ट रकमअन्र्तगत एक मिलियन १० करोड ३३ लाख  रुपैयाँ बैना पठाइसकेको छ । ‘पहिलो किस्ता ८० मिलियन पठाउने सहमती अनुसार रकम पठायौं, आगामी विहीबारसम्म त्यो रकम एयरबसको खातामा पठाउने छौं,’ निगमका एक अधिकारीले भने ।

निगमले बाँकी १६ अर्ब रुपैयाँँ जहाज ल्याइनुअघिको अन्तिम एक महिना अगाडी भुक्तानी गर्नेछ । निगमलाई जहाज दिलाउने एएआरले जहाजको स्लट नम्बर दिइसकेको छ । प्रि–डेलिभरी रकम पठाएपछि एयरबसको वेबपेजमा अर्डर गरिएका जहाजको विवरण देखिने निगमले दाबी गरेको छ ।

गत चैत २५ मा २१ अर्ब ९० करोड रुपैयाँमा दुइटा जहाज खरिद गर्न निगमले हाइफ्लाई, जर्मन एभिएसन क्यापिटल र अमेरिकी कम्पनी एएआर कर्पोरेसनसँग खरिदरबिक्रि सम्झौता गरेको थियो ।

निगमले यसैसाता वार्षिक ९ प्रतिशत ब्याजदरका आधारमा नागरिक लगानी कोषसँग र कर्मचारी सञ्चय कोषसँग १२र१२ अर्ब गरी २४ खर्ब ऋण सम्झौता गरेको छ । यो रकम जुटेसँगै नेपाल एयरलाइन्सलाई एयरबसको वाइड बडी ए ३३०–२०० सिरिजका दुइटा जहाज किन्न बाटो खुलेको थियो ।

कान्तिपुर दैनिकबाट

 

 

प्रतिक्रिया दिनुहोस
रवि लामिछाने नागरिकता लिन जिल्ला प्रशासन पुगे

    सर्वोच्च अदालतले नागरिकतामा दोषी ठहर गरेपछि मन्त्री र सांसद पद गुमाएका

यती विमान दुर्घटनास्थलमा श्रद्धाञ्जली सभा

    एकातिर बुद्ध धर्मालम्बीले आफ्नै परम्परा अनुसार पूजापाठ, अर्कोतिर हिन्दु धर्मावलम्बी ।

बानेश्वरमा सुकुम्बासीहरुको सडक धर्ना

    स्थायी विकल्प विना नहटाउन माग गर्दै सुकुम्बासीहरुले नयाँबानेश्वरमा धर्ना दिएका छन्

गृहमन्त्री लामिछानेको मुद्दाको सुनुवाइ सकियो

    उपप्रधान एवं गृहमन्त्री रवि लामिछानेको नागरिकता विवादसम्बन्धी मुद्दाको सुनुवाइ सकिएको छ