प्रमुख दलले टुंगो लगाए तीन प्रदेशका उम्मेदवार



काठमाडौँ । नेकपा एमालेद्वारा तीनवटै प्रदेशका उम्मेदवारको सूची सार्वजनिक गरेको छ । स्थानीय तहको दोस्रो निर्वाचनका लागि एमालेले तीनवटै प्रदेशमा उम्मेदवारको सूची सार्वजनिक गरेको हो ।

गाउँपालिका र नगरपालिकाका उम्मेदवार प्रदेश कमिटी तथा उपमहानगर र महानगरको उम्मेदवार स्थायी कमिटीले टुंगो लगाएको केन्द्रीय प्रचार विभागका सचिव विष्णु रिजालले बताए । विराटनगर महानगरपालिकामा एमालेले संघीय समाजवादी फोरम र फोरम लोकतान्त्रिक नेपालसँग तालमेलका विषयमा छलफल चलाइरहेको छ ।

नेपाली कांग्रेसले प्रदेश नम्बर २ बाहेकका तीन प्रदेशका सबै स्थानीय तहमा उम्मेदवारको टुंगो लगाएको छ । गाउँपालिका, महानगर, उपमहानगर र नगरपालिकाका वडाध्यक्ष र सदस्य जिल्लामै मिले पनि नगरपालिका प्रमुख र उप्रमुखको उम्मेदवारी पार्टी केन्द्रले टुंगो लगाएको हो ।

प्रदेश नम्बर २ मा निर्वाचन नै २ असोजका लागि सरेपछि अब केही समयपछि मात्रै सबै उम्मेदवार टुंग्याएर सार्वजनिक गर्ने तयारी कांग्रेसको छ ।

यसैगरी माओवादी केन्द्रले पनि उम्मेदवार टुंग्याएको छ । माओवादी केन्द्रले पनि दोस्रो चरणमा निर्वाचन हुने तीनवटै प्रदेशका अधिकांश स्थानीय तहमा उम्मेदवार टुंगो लगाइसकेको हो । प्रदेश नम्बर ५ का तराई क्षेत्रमा पर्ने केही तहमा मात्रै टुंगो लगाउन बाँकी रहेको माओवादी केन्द्रीय कार्यालय सदस्य चक्रपाणि खनालले बताए ।

माओवादीले स्थानीय आवश्यकताअनुसार केही स्थानीय तहमा अन्य पार्टीहरूसँग चुनावी तालमेल पनि गरेको छ । प्रदेश नम्बर ७ का ८८ वटै स्थानीय तहमा भने एक्लै चुनावमा उत्रिने माओवादीले जनाएको छ ।

नयाँपत्रिका दैनिकबाट

 

प्रतिक्रिया दिनुहोस
पूरानै गठबन्धनमा फर्काउने भन्दै माधव र नारायणकाजीबीच छलफल

    उपप्रधानमन्त्री समेत रहेका नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ नेकपा

शिक्षामा सुधार गरेर मात्रै समृद्धि : प्रधानमन्त्री

    प्रधानमन्त्री पुष्पकमल दाहाल ‘प्रचण्ड’ले शिक्षामा सुधार गरेर मात्र समृद्धि र सुशासनको

राष्ट्रिय टीमको प्रशिक्षणमा फर्किए सन्दीप लामिछाने

    नेपाली क्रिकेट टीमका पूर्वकप्तान सन्दीप लामिछाने करिब ५ महिनापछि बन्द प्रशिक्षणमा

दल खारेजको माग गर्ने अधिकार अरुलाई छैन : निर्वाचन आयोग

    निर्वाचन आयोगले दर्ता भएको दल खारेजको माग गर्ने अधिकार कोही व्यक्तिलाई