भरतपुर महानगरको मुद्दा आज पनि सुनुवाईमा



काठमाडौँ/ बहुचर्चितभरतपुर महानगरपालिकाको वडा नम्बर १९ मा पुनःमतदान गर्ने निर्वाचन आयोगको निर्देशन विरुद्ध दर्ता भएको रिट निवेदनमाथि कायम मुकाय प्रधानन्यायाधीस गोपलाप्रसाद पराजुली र न्यायाधीस हरिकृष्ण कार्कीको संयुक्त इजलासमा सुनुवाई हुँदैछ।

सर्वोच्च अदालतले मंगलबार जारी गरेको दैनिक कार्यसूचि अनुसार, न्यायाधीसद्धय पराजुली र कार्कीको संयुक्त इजलासले उक्त मुद्दाको सुनुवाई गर्ने जानकारीसहित १७ नम्बरको सूचिमा राखेको छ।

जेष्ठ १४ गते राती मतगणना कार्य भइरहेको बेला एमाले र माओवादी उम्मेदवारका प्रतिनिधिबीचको विवादपछि मतगणना भइरहेको वडा नम्बर १९ का ९० मतपत्र च्यातिएको थियो।

त्यसपछि स्थगित भएको मतगणना कार्यलाई बदर गर्दै केही समय अघि निर्वाचन आयोगले सो वडामा पुन मतदान गर्न निर्देशन दिएको थियो।

उक्त निर्णय विरुद्ध सदन र सडकमा चर्को विरोध जनाउँदै आएको प्रमुख प्रतिपक्षी दल नेकपा एमालेका तर्फबाट सो वडामा सदस्य पदका उम्मेदवार गुञ्जमान विकसहित २ जनाले निर्वाचन आयोगको निर्णय विरुद्ध अदालतमा रिट दर्ता गरेका थिए।

उक्त निवेदनमाथिको प्रारम्भिक सुनुवाईका क्रममा अदालतले आयोगको निर्णय तत्काल कार्यान्वयन नगर्न नगराउन भन्दै जेष्ठ २८ गतेका लागि पेशी तोकेपनि त्यसदिन सुनुवाईको पालो आउन सकेको थिएन।

आजको कार्यसूचिमा पनि पछाडि परेको रिट निवेदनमाथि अदालतले कुनै निर्णय दिने नदिने कुनै टुंगो छैन।

 

 

 

प्रतिक्रिया दिनुहोस
रेमिट्यान्स बढ्यो, सोधानान्तर स्थिति बचतमा

    चालू आर्थिक वर्षको ६ महिनामा ५ खर्ब ८५ अर्ब ८ करोड

रास्वपाका तीन मन्त्रीको राजीनामा स्वीकृत

    राष्ट्रिय स्वतन्त्र पार्टीका तीनमन्त्रीको राजीनामा स्वीकृत भएको छ । श्रम, रोजगार

ओली, प्रचण्ड र देउवाबीच सिंहदरबारमा छलफल

    प्रधानमन्त्री पुष्पकमल दाहाल ‘प्रचण्ड’ ले एमालेका अध्यक्ष केपी शर्मा ओली र

 राष्ट्रियसभा उपाध्यक्षमा माओवादीकी उर्मिला अर्याल निर्विरोध

    राष्ट्रियसभा उपाध्यक्षमा नेकपा माओवादी केन्द्रकी उर्मिला अर्याल निर्विरोध निर्वाचित भएकी छन्