ओलीले भने- देउवा सरकारको आयु १२० दिन,त्यसपछी युरेनियम निकाल्छौं



काठमाडौँ/सोमबार प्रदेश नम्बर ३ मा एमालेबाट निर्वाचित जनप्रतिनिधिहरुलाई ललितपुरमा संबोधन गर्दै नेकपा एमालेका अध्यक्ष केपी शर्मा ओलीले तीनवटै तहको चुनावपछि एमालेलाई सरकारमा जानबाट कसैले रोक्न नसक्ने बताएका छन् ।

अध्यक्ष ओलीले स्थानीय तह, प्रदेश र केन्द्रको चुनाव सकिएपछि अरु सबै दलहरु मिले पनि सरकारमा जानबाट एमालेलाई रोक्न नसक्ने दावी गरे । अहिले कांग्रेस र माओवादी केन्द्र लगायतका दलहरु मिलेर एमालेलाई प्रतिपक्षमा राखेजस्तो चुनावपछि कसैले नसक्ने उनले जिकिर छ गरे ।
‘कांग्रेस–माओवादी मिलेर हामीलाई प्रतिपक्षमा राखेका छन् ।
चुनाव पछि कसले मिलेर प्रतिपक्षमा राख्दोरहेछ ?’ उनले भने ‘अब तपाईहरुको गाडी धेरै गुड्दैन । दुई चार महिना गुड्ने हो ।’अबको चार महिना त हो नि देउवाजी रहने त्यसपछि एमाले नेतृत्वमा सरकार बनेपछि युरेनियम प्रशोधन गर्ने पनि उनले बताए । ‘हामीसँग युरेनियम छ । हाम्रा छिमेकी मित्रले चित्त नदुखाउन् चाहिन्छ भने किने हुन्छ’ उनले भने, ‘अहिले सेनालाई जिम्मा दिएको छ । सरकार बनेपछि युरेनियम निकाल्छौं ।’

अध्यक्ष ओलीले स्थानीय चुनावमा एमालेलाई सजिलै पराजित गर्न नसकेपछि अनेक धाँधली र षड्यन्त्र भएको दावी गरे । भरतपुरमा मतपत्र च्यातिएको, भक्तपुरको चाँगुनारायण नगरपालिकामा मतगणना स्थगित गरिएको लगायतका उदाहरण दिँदै उनले एमालेले जित्ने ठाउँमा सत्तारुढ दलले षड्यन्त्र गरेको आरोप लगाए । ‘अरुले दौडेर जित्ने अवस्था छैन । छिर्के लगाएर लडाउने काम भएको छ’ उनले भने ‘ललितपुरमा त्यही काम भएको हो । जितेको मान्छेलाई हराइएको छ । हाम्रो पनि समयमा सतर्कता भएन। एमाले अगाडि गएको ठाउँमा रोक्न खोजियो ।’

एमाले अध्यक्ष ओलीले एमालेबाट विभिन्न स्थानीय तहमा निर्वाचित जनप्रतिनिधिलाई जिम्मेवारीपूर्वक नागरिकको काम गर्न सुझाव दिए । अहिलेको स्थानीय सरकार पहिलाजस्तो स्थानीय निकायजस्तो नभएको भन्दै उनले संविधान तोकेको जिम्मेवारी पूरा गर्न सक्रिय हुन आग्रह गरे । ‘संविधान पढ्नुभएको थिएन होला । अब सबै पाना पल्टाउनुपर्छ । अनुसूचि भनेको के हो थाहा पाउनुपर्छ ।’ स्थानीय तहमा उपाध्यक्ष र सदस्य निर्वाचित भएका प्रतिनिधिहरुलाई संबोधन गर्दै अध्यक्ष ओलीले उपाध्यक्षले न्यायिक समितिको नेतृत्व गर्नुपर्ने स्मरण गराए ।
‘तपाईहरुले न्यायाधीशको काम गर्नुपर्छ । निष्पक्ष रुपमा गर्नुहोला । जोखाना हेरेर हुँदैन’ उनले भने ‘जितेर अबिर लाउनु भयो । अब दुखका दिन सुरु भयो । अब प्रमाणित गर्नुपर्छ ।’

 

 

प्रतिक्रिया दिनुहोस
रेमिट्यान्स बढ्यो, सोधानान्तर स्थिति बचतमा

    चालू आर्थिक वर्षको ६ महिनामा ५ खर्ब ८५ अर्ब ८ करोड

रास्वपाका तीन मन्त्रीको राजीनामा स्वीकृत

    राष्ट्रिय स्वतन्त्र पार्टीका तीनमन्त्रीको राजीनामा स्वीकृत भएको छ । श्रम, रोजगार

ओली, प्रचण्ड र देउवाबीच सिंहदरबारमा छलफल

    प्रधानमन्त्री पुष्पकमल दाहाल ‘प्रचण्ड’ ले एमालेका अध्यक्ष केपी शर्मा ओली र

 राष्ट्रियसभा उपाध्यक्षमा माओवादीकी उर्मिला अर्याल निर्विरोध

    राष्ट्रियसभा उपाध्यक्षमा नेकपा माओवादी केन्द्रकी उर्मिला अर्याल निर्विरोध निर्वाचित भएकी छन्