होसियार ! मधुमेहलाई नजरअन्दाज नगरौँ



काठमाडौँ । मधुमेह अहिले आम नेपालीलाई समस्याका रुपमा देखा परेको छ । यसको लक्षण पनि यति आम भएको छ कि, जो कोहीलाई पनि शंका लाग्न सक्छ, कतै मलाई मधुमेह त भएको छैन ?

मधुमेहको केही विशेष लक्षण हुन्छ । जस्तो कि, अधिक तिर्खा लाग्नु । पटकपटक पिसाब लाग्नु । धेरै भोक लाग्नु । अकारण तौल घट्नु ।
यद्यपि अन्य अवस्थामा पनि यस्तो हुनसक्छ । त्यसैले धेरै तिर्खा लाग्दैमा, धेरै पटक पिसाब लाग्दैमा मधुमेह नै हो भनेर ठोकुवा गर्न सकिँदैन । तर, कतिपय अवस्थामा यस्ता संकेतले मधुमेहको जनाउ दिन्छ ।

के के हुन्छ लक्षण ?
(क) थकान
सामान्यतया शारीरिक तथा मानसिक बोझले थकान महसुस हुन्छ । तर, कुनै बिनाकरण तपाईंलाई थकाइ लाग्छ भने त्यो मधुमेहको संकेत हो । हामी जे आहार लिन्छौँ, त्यो ऊर्जा हाम्रो कोषिकासम्म पुग्दैन, यदि हामीलाई मधुमेह छ भने । त्यही कारण शरीरमा आवश्यक ऊर्जा मिल्दैन र अकारण थाकिन्छ ।
(ख) निद्रामा समस्या
निद्रासँग जोडिएको समस्याको कारण तनाव उत्पन्न गर्ने हर्मोन रिलिज हुन्छ, जसले ब्लडमा सुगरको स्तर बढाउँछ । चिकित्सकको अनुसार टाइप २ मधुमेहको रोगीलाई निद्राको समस्याले सास लिन गाह्रो हुन्छ । रातको समयमा सुगरको मात्रामा कमी आउनाले पसिना आउने, बेचैन हुने समस्या हुन्छ ।
(ग) आँखाको दृष्टि बढ्नु
सामनन्यतयाः मधुमेहमा आँखाको दृष्टि कमजोर हुँदै जान्छ । तर, कहिलेकहिँ त्यसको ठीक विपरीत आँखाको दृष्टि बढ्न सक्छ । किनभने शरीरमा तरल पदार्थ बढ्छ र त्यो आँखाको आसपास जम्मा हुन्छ । यसैको कारण आँखाको दृष्टि बढ्छ । जब मधुमेहको उपचार गरिन्छ, फेरि आँखाको चस्मा लगाउनुपर्ने अवस्था आउँछ । आँखाको दृष्टिमा अचानक परिवर्तन भयो भने चिकित्सकको परामर्श लिनैपर्छ ।
(घ) श्रवण शक्तिमा समस्या
उमेर बढेसँगै श्रवण शक्ति कमजोर हुँदै जान्छ, जो सामान्य हो । तर, मधुमेहको सुरुवाती लक्षणमा पनि श्रवण शक्ति कमजोर हुन्छ । मधुमेहले कानमा क्षति पु¥याउँछ, जसले सुन्नमा समस्या हुन्छ । एक अध्ययन अनुसार, मधुमेहका ३० प्रतिशतसम्म रोगीमा श्रवण शक्ति कमजोर हुने भय हुन्छ ।
(ङ) यौन जीवन
मधुमेहको कारण पुरुष र महिलाको यौन उत्तेजनामा कमी आउँछ । पुरुषमा मधुमेहको मात्रा लामो समयसम्म अनियन्त्रित रह्यो भने लिंगमा समस्या हुन्छ । त्यस्तै महिलाको योनीद्वार सुख्खा हुन्छ । रगतमा बढेको सुगरको मात्राले नसामा विपरीत परिणाम दिन्छ, जसले उनीहरुको यौन जीवनमा कमी आउँछ ।
(च) चिलाउने
जुन व्यक्तिमा मधुमेह सुरु हुन्छ, उनीहरुको हत्केला, खुट्टाको तल्लो भाग, तालु चिलाउन थाल्छ । मधुमेहको प्रभाव छालाको रक्त सञ्चारमा हुन्छ, जसले चिलाउने समस्या हुन्छ ।
(छ) छालाको रंग बदलिनु
धेरैलाई थाहा छैन, छालाको रंग बदलिए पनि मधुमेहको संकेत हुनसक्छ । खासगरी कम्मर, कुहिना, खुट्टामा असामान्य रंग देखिए पनि मधुमेह हुन सक्छ । चिकित्सकका अनुसार, इन्सुलिनको उच्च मात्रा कोषिकामा वृद्धि हुन्छ, जसले छालामा कालो एवं चर्किएको धब्बा देखिनेछ ।

प्रतिक्रिया दिनुहोस
अमेरिक र चीनबीच विवाद, यस्तो छ लफडा

    अमेरिकी तल्लो सदनकी सभामुख नेन्सी पोलोसीको चीन भ्रमणलाई लिएर कूटनीतिक विवाद

लोग्नेलाई बेस्या भन्दै श्रीमतीले दलिन् कालोमोसो

    आफूलाई पत्रकार दावी गर्ने दिनेश कार्की त्यही चौरमा चिया पिएर बसेका

प्रदर्शनकारीले इराकको संसद भवन कब्जा गरे

    इराकमा प्रदर्शनकारीहरूले संसद भवनमा कब्जा गरेका छन् । धर्मगुरु मुक्तदा अल-सदरका

स्पेनमा तातो हावाका कारण १० दिनमा ५ सय जनाको मृत्यु

    अत्यधिक गर्मीका कारण स्पेनमा १० दिनमा ५ सयभन्दा बढी मानिसको मृत्यु